ក្រោយពានរង្វាន់ AFC U-23 Asian Cup ឆ្នាំ២០២៤ ដែលប្រទេសកាតា ទទួលរៀបចំធ្វើជាម្ចាស់ផ្ទះ ត្រូវបានបញ្ចប់ក្រុមជើងឯកបានទៅលើជប៉ុន, អ៊ូសបេគីស្ថាន ទទួលបានជើងឯករង, លេខ៣ បានទៅលើអ៊ីរ៉ាក់ និងលេខ៤ បានទៅលើឥណ្ឌូណេស៊ី។
ដូច្នេះឥណ្ឌូណេស៊ី តំណាងទ្វីបអាស៊ី ត្រូវប្រកួតជម្រុះជាមួយក្រុមជម្រើសជាតិហ្គីណេ តំណាងទ្វីបអាហ្រ្វិក ដើម្បីទទួលបានកៅអីទៅប្រកួតអូឡាំពិក ទីក្រុងបារីស នៅថ្ងៃទី៩ ខែឧសភា ឆ្នាំ២០២៤ ក្នុងទឹកដីកណ្តាល នៅកីឡដ្ឋាន CNF Clairefontaine ប្រទេសបារាំង។
ក្រុមឈ្នះរវាងឥណ្ឌូណេស៊ី ទល់នឹង ហ្គីណេ នឹងត្រូវឡើងទៅកាន់ពូល A ដែលមានក្រុមដូចជា៖ ម្ចាស់ផ្ទះបារាំង, អាមេរិក និង នូវែលសេឡង់។
ខណ:ក្រុមបាល់ទាត់ U-23 ជប៉ុន, អ៊ូសបេគីស្ថាន និងអ៊ីរ៉ាក់ ទទួលបានកៅអីតំណាងឱ្យទ្វីបអាស៊ី ទៅប្រកួតអូឡាំពិកបារីស ឆ្នាំ២០២៤ (Football at the 2024 Summer Olympics – Men’s tournament)។
គួរដឹងថា U-23 ជប៉ុន ស្ថិតនៅពូល D ជាមួយ ប៉ារ៉ាហ្គាយ, ម៉ាលី និង អ៊ីស្រាអែល ខណ: U-23 អ៊ូសបេគីស្ថាន ស្ថិតនៅពូល C ជាមួយ អេស្ប៉ាញ, អេហ្ស៊ីប និងសាធារណរដ្ឋដូមីនីកែន ដោយឡែក U-23 អ៊ីរ៉ាក់ ស្ថិតនៅពូល B ជាមួយ អាហ្សង់ទីន, ម៉ារ៉ុក និង អ៊ុយក្រែន៕
