បើទោះបីជានៅសល់មួយប្រកួតទៀតនៅក្នុងដៃសម្រាប់ក្រុមស្ថិតនៅតំបន់ Top4 ក៏ដោយប៉ុន្តែបើយើងមើលទៅលើគម្លាតពិន្ទុ របស់ក្រុទាំង៤ ឃើញថាដាច់ឆ្ងាយពីគ្នា។
ក្នុងនោះសម្រាប់ពិន្ទុក្រុមស្ថិតនៅក្នុងតំបន់ Top 4មាន៖ ព្រះខ័នរាជស្វាយរៀង មាន ៧៥ពិន្ទុ ភ្នំពេញក្រោន មាន ៦៧ពិន្ទុ វិសាខា មាន ៤៧ពិន្ទុ និងបឹងកេត មាន ៤១ពិន្ទុ ខណ:នៅសល់តែមយយប្រកួតទៀតប៉ុណ្ណោះ នៅលីគកំពូលកម្ពុជា។
ដូចនេះយើងអាចនិយាយបានថា សម្រាប់ចំណាត់ថ្នាក់របស់ក្រុមដែលបានប្រកួតប្រជែងនៅលីគកំពូលកម្ពុជា Cambodian Premire League រដូវកាល ២០២៣-២៤ បានកំណត់ឃើញហើយ ដែលមានដូចទៅ៖
១. ព្រះខ័រាជស្វាយរៀង
២.ភ្នំពេញក្រោន
៣.វិសាខា
៤.បឹងកេត
៥.កងយោធពលខេមរភូមិន្ទ
៦.អាយ អេស អាយ ដង្កោសែនជ័យ
៧.ណាហ្គាវើលដ៍
៨.ព្រៃវែង
៩.គិរីវង់សុខសែនជ័យ
១០.អង្គរថាយហ្គឺរ
ដោយឡែកសម្រាប់កម្មវិធីប្រកួតចុងក្រោយ របស់ក្រុមស្ថិតក្នុងតំបន់ Top4 នៅថ្ងៃទី១២ ឧសភា មាន៖
- ភ្នំពេញក្រោន ប៉ះ ព្រះខ័យរាជស្វាយរៀង នៅកីឡដ្ឋាន ស្មាតអអេសអិន វេលាម៉ោង ៦:០០នាទីល្ងាច
- វិសាខា ប៉ះ បឹងកេត នៅកីឡដ្ឋាន ព្រីនស៍ វេលាម៉ោង ៦:០០នាទីល្ងាច
ព្រះខ័នរាជស្វាយរៀង បានក្លាយជាម្ចាស់ជើឯក នៃពានរង្វាន់លីគកំពូលកម្ពុជា Cambodian Premire League រដូវកាល ២០២៣-២៤ កាលពីថ្ងៃទី០៤ ឧសភា កន្លងទៅ នឹងតំណាងឱ្យកម្ពុជា ទៅប្រកួតពានរង្វាន់ប្រចាំតំបន់អាស៊ាន (ASEAN Club Championship-Shopee Cup 2024/2025) និងក្នុងពានរង្វាន់ទ្វីបអាស៊ីលំដាប់ទី៣ (AFC Challenge League 2024/2025)។
គួរដឹងថាការប្រកួត Top4 គឺលេងតែ១ជុំប៉ុណ្ណោះ មានរយ:ពេល៨ថ្ងៃ ពោលគឺចាប់ពីថ្ងៃទី៤ ខែឧសភា ដល់ថ្ងៃទី១២ ខែឧសភា ឆ្នាំ២០២៤។ ស្របពេលដែលម្ចាស់ជើងឯកនៅលីគកំពូលកម្ពុជា Cambodian Premire League រដូវកាល ២០២៣-២៤ ក៏បានរកឃើញហើយដែរ គឺព្រះខ័នរាជស្វាយរៀង៕