មុនលើកពាននៅចុងសប្ដាហ៍នេះ ព្រះខ័នរាជស្វាយរៀង គឺជាក្រុមដែលបរាជ័យតែ ២ប្រកួតប៉ុណ្ណោះ និងស្មើចំនួន ៣ប្រកួត ឈ្នះរហូតដល់ ២៤ប្រកួត ឆ្លងកាត់ ២៩សប្ដាហ៍ នៃពានរង្វាន់លីគកំពូលកម្ពុជា Cambodian Premire League រដូវកាល ២០២៣-២៤។
លទ្ធផលចាញ់ ២ប្រកួត
- ថ្ងៃទី៣ ធ្នូ៖ ណាហ្គាវើលដ៍ ១-០ ព្រះខ័នរាជស្វាយរៀង សប្ដាហ៍ទី១២ នៅកីឡដ្ឋាន កំពង់ស្ពឺ
- ថ្ងៃទី៩ ធ្នូ៖ ព្រះខ័នរាជស្វាយរៀង ១-២ អាយ អេស អាយ ដង្កោសែនជ័យ សប្ដាហ៍ទី១៣ នីកីឡដ្ឋាន ស្វាយរៀង
លទ្ធផលស្មើ ៣ប្រកួត
- ថ្ងៃទី២៦ វិច្ឆិកា៖ ភ្នំពេញក្រោន ០-០ ព្រះខ័នរាជស្វាយរៀង សប្ដាហ៍ទី១១ នៅកីឡដ្ឋាន ស្មាត អអេសអិន
- ថ្ងៃទី២០ មករា៖ ព្រះខ័នរាជស្វាយរៀង ៣-៣ បឹងកេត សប្ដាហ៍ទី១៨ នៅកីឡដ្ឋាន ស្វាយរៀង
- ថ្ងៃទី២០ មេសា៖ បឹងកេត ៣-៣ ព្រះខ័នរាជស្វាយរៀង សប្ដាហ៍ទី២៧ នៅពហុកីឡដ្ឋានជាតិ
សម្រាប់កម្មវិធីប្រកួតចុងក្រោយ របស់ក្រុមស្ថិតក្នុងតំបន់ Top4 នៅថ្ងៃទី១២ ឧសភា មាន៖
- ភ្នំពេញក្រោន ប៉ះ ព្រះខ័យរាជស្វាយរៀង នៅកីឡដ្ឋាន ស្មាតអអេសអិន វេលាម៉ោង ៦:០០នាទីល្ងាច
- វិសាខា ប៉ះ បឹងកេត នៅកីឡដ្ឋាន ព្រីនស៍ វេលាម៉ោង ៦:០០នាទីល្ងាច
ព្រះខ័នរាជស្វាយរៀង បានក្លាយជាម្ចាស់ជើឯក នៃពានរង្វាន់លីគកំពូលកម្ពុជា Cambodian Premire League រដូវកាល ២០២៣-២៤ កាលពីថ្ងៃទី០៤ ឧសភា កន្លងទៅ នឹងតំណាងឱ្យកម្ពុជា ទៅប្រកួតពានរង្វាន់ប្រចាំតំបន់អាស៊ាន (ASEAN Club Championship-Shopee Cup 2024/2025) និងក្នុងពានរង្វាន់ទ្វីបអាស៊ីលំដាប់ទី៣ (AFC Challenge League 2024/2025)។
យោងតាមការបញ្ជាក់របស់ក្រុមបាល់ទាត់ព្រះខ័នរាជស្វាយរៀង ជុំវិញកម្មវិធីបំពាក់មេដាយ នឹងប្រគល់ជើងឯក CPL នឹងប្រារព្ធឡើង នៅថ្ងៃអាទិត្យ ទី១២ ខែឧសភា ឆ្នាំ២០២៤ នៅកីឡដ្ឋាន Smart RSN ក្រោយចប់ការប្រកួតរវាង ភ្នំពេញក្រោន និង ព្រះខ័នរាជស្វាយរៀង។ យ៉ាងណាមិញឯកឧត្ដម ឌី វិជ្ជា ប្រធានក្លិបបាល់ទាត់ព្រះខ័នរាជស្វាយរៀង បានថ្លែងថា៖«នៅថ្ងៃទី១៧ ខែឧសភា ឆ្នាំ២០២៤ ខាងមុននេះ នឹងរៀបចំការដង្ហែពានរង្វាន់លីគកំពូលកម្ពុជា និង Hun Sen Cup ទៅកាន់កីឡដ្ឋានខេត្តស្វាយរៀង ព្រមទាំងមានការប្រគំតន្រ្តី និងល្បែងកម្សាន្តនានាផងដែរ»៕
