PUBG Mobile Esports Cambodia បានបើកអោយអ្នកមានទេពកោសល្យ ដើម្បីបញ្ចេញសមត្ថភាព ក្លាយខ្លួនជាកីឡាករតំណាងជាតិ ទៅចូលរួមប្រកួតក្នុងព្រឹត្តិការណ៍កីឡាអេឡិចត្រូនិកពិភពលោក WEC 16th Riyadh 2024 វិញ្ញាសា PUBG Mobile។
ការទទួលចុះឈ្មោះចូលរួមប្រកួតមានរយៈពេល ៧ថ្ងៃ គឺចាប់ពីថ្ងៃទី១០ រហូតដល់ម៉ោង១២យប់ ថ្ងៃទី១៧ ខែឧសភា ឆ្នាំ២០២៤ ឬ ចំនួនកីឡាករចុះឈ្មោះចូលរួម ដល់ចំនួនដែលបានកំណត់ ១២៨ ក្រុម។
ដូច្នេះក្រុមដែលគិតថាខ្លួនមានសមត្ថភាព និងគ្រប់លក្ខខណ្ឌតម្រូវដូចមានចែងក្នុងបទបញ្ជាចូលរួមការប្រកួត សូមរួសរាន់ធ្វើការចុះឈ្មោះ ដើម្បីកុំឲ្យឱកាសនេះកន្លងផុតទៅឲ្យសោះ។
- ការចុះឈ្មោះធ្វើឡើងតាមរយៈអនឡាញ (Online Registration) តាមតំណរភ្ជាប់នេះ៖ https://register.re-esport.com/games/pubg
- ស្វែងយល់បន្ថែមពីការប្រកួតនៅលើគេហទំព័រសហព័ន្ធ៖ https://esportsfc.org.kh/2024/05/266/
បញ្ជាក់៖
- ក្រុមដែលចង់ចូលរួមដាក់ពាក្យ សូមធ្វើការអាននូវលក្ខខណ្ឌចូលរួមឲ្យបានច្បាស់លាស់មុនដាក់ពាក្យ។
- ការប្រកួតជម្រុះនេះពុំមានប្រាក់រង្វាន់ទេ
សម្រាប់ការប្រកួតជើងឯកពិភពលោកកីឡា Esports ដែលគ្រោកនឹងប្រព្រឹត្តទៅនៅទីក្រុងរីយ៉ាដ ប្រទេសអារ៉ាប៊ីសាអូឌីត មានការបែងចែកប្រភេទកីឡាជាច្រើនដែលមានប្រាក់រង្វាន់សរុប ចំនួន ១លានដុល្លារអាមេរិក ($1.000.000) ។ ការប្រកួតគ្រោងធ្វើឡើង ចាប់ពីថ្ងៃទី១១ ដល់ថ្ងៃទី១៩ ខែវិច្ឆិកា ឆ្នាំ២០២៤៕
