គូសម្ដែងដ៏ស័ក្ដិសមពីភាពយន្តភាគខ្មែររឿង «មន្តស្នេហ៍ចៅស្រី» លោក ប្រុស ខួច និង កញ្ញា មុនី វិជ្ជរ៉ា ត្រូវបានអ្នកគាំទ្រទន្ទឹងរង់ចាំផង ទទូចផង ចង់ឃើញសំណព្វចិត្តទាំងពីរសម្ដែងរឿងរួមគ្នាទៀត ពេលនេះក្ដីប្រាថ្នារបស់អ្នកគាំទ្របានសម្រេចហើយ ព្រោះអ្នកទាំងពីរនឹងសម្ដែងជាមួយគ្នានៅក្នុងរឿងថ្មីមួយដែលមានចំណងជើងថា «ជំពប់សម្ដី ជំពាក់បេះដូង»។
យោងតាមការបង្ហោះរបស់ផេកផ្លូវការ PNN Drama Live បានបង្ហោះចែករំលែករូបថត Poster នៅលើផេករបស់ខ្លួនតាមរយៈ Campaign ឆ្លើយសំនួរត្រូវទទួលបានប្រាក់ ១ដុល្លារ តាមរយៈការឆ្លើយសំនួរចំណងជើងសាច់រឿងថ្មីដែលជារឿងសម្ដែងដោយ មុនី វិជ្ជរ៉ា និង ប្រុសខួច។
រឿងថ្មីរបស់តារាឯកប្រុសស្រីទាំងពីរនេះទទួលបាន Feedback សរសើរនិងផ្ទុះការគាំទ្រខ្លាំងទោះជារឿងនេះនៅមិនទាន់បានបង្ហាញឱ្យដឹងថាជាសាច់រឿងបែបណា ហើយនឹងបញ្ចាំងឱ្យអ្នកគាំទ្របានទស្សនានៅពេលណាក្ដី។ ប៉ុន្តែរូបថតដែលបង្ហាញនោះមានលក្ខណៈប្លែកព្រោះមើលទៅរូបរាងតួស្រីហាក់ដូចជាមើលទៅធាត់ប្លែក។
