តារាល្បីកម្រិតជួរមុខ Jennifer Lopez សុខចិត្តទម្លាក់តម្លៃអចលនទ្រព្យ (NYC Penthouse) របស់ខ្លួន ជិត២លានដុល្លារដោយលក់ត្រឹម២៥លានដុល្លារ ខណៈដែលសាមីខ្លួនកំពុងតែប្រមាញ់ដើររកមើលផ្ទះថ្មីនៅក្នុងក្រុង Los Angeles ដើម្បីរួមរស់ជាមួយនឹងប្រុសស្នេហ៍លោក Ben Affleck។
តារាសម្ដែងពីរឿង «Hustlers» ហាក់ដូចជាប្រញាប់លក់អចលនទ្រព្យរបស់នាងជាខ្លាំង ព្រោះសាមីខ្លួនសុខចិត្តចុះថ្លៃរហូតដល់ ១.៩៦លានដុល្លារ ដោយតម្លៃលក់ដំបូងផ្ទះ Penthouse របស់អ្នកស្រីមានតម្លៃ ២៦,៩៥លានដុល្លារ តែបច្ចុប្បន្នតម្លៃលក់នៅលើទីផ្សារត្រឹមតែ២៥លានដុល្លារប៉ុណ្ណោះ។
ទាំង Ben Affleck និង Jennifer Lopez ដែលកំពុងតែមមាញឹកស្វែងរកផ្ទះថ្មីនៅក្នុងក្រុង ឡូសអែនជឺលែស មើលទៅគឺយើងអាចនិយាយបានថាទំនាក់ទំនងស្នេហារងើកភ្លើងចាស់នេះប្រាកដប្រជានឹងគ្នា ហើយអ្នកទាំងពីរក៏ចង់ឆាប់ផ្លាស់ទៅរស់នៅជាមួយគ្នាឆាប់ដែរៗ៕
