មានដំណឹងតាមរយៈបណ្ដាញសង្គមថា តារាសម្ដែង Jet Li ហៅ លី លានជា គឺជាតារាល្បីចិនបន្ទាប់ជាប់ក្នុងបញ្ជីខ្មៅរបស់អាជ្ញាធរចិន។
តាមដឹងមនុស្សចំនួន៧នាក់នឹងចូលក្នុងបញ្ជីខ្មៅ ក្រោយបែកធ្លាយរឿងរបស់តារាសម្ដែងនិងជាសេដ្ឋិនីនៅប្រទេសចិន Vicki Zhao កាន់ពីសប្ដាហ៍។
អ្នកដឹកនាំ Zhou Guogang បានផុសនៅលើគណនីរបស់ខ្លួនថាតារាបន្ទាប់ដែលនឹងត្រូវលុបចោលឈ្មោះនិងការងារពីបណ្ដាញអ៊ិនធឺណិតគ្មានអ្នកណាក្រៅពិតារាសម្ដែង Jet Li វ័យ៥៨ឆ្នាំនោះឡើយ។ អ្នកដឹកនាំរូបនោះបានលើកឡើងថា «ប្រញាប់រត់គេចទៅ ខែក្រោយ ផ្ទះច្បាស់ជារលំបាក់សង្កត់លើខ្លួនលោក»
មានដំណឹងបែកធ្លាយទៀតថាតារាដែលកាន់ប៉ាស់ស្ព័រឬមានសញ្ជាតិបរទេសនឹងត្រូវធ្វើការរឹតបន្តឹងកាន់តែខ្លាំងដោយច្បាប់របស់ប្រទេសចិន។
ក្រៅពី លី លានជា ដែលមានសញ្ជាតិសិង្ហបុរី តារាផ្សេងទៀតដែលមានសញ្ជាតិបរទេសរួមមាន Liu Yi Fei (សញ្ជាតិអាមេរិក) តារាសម្ដែងតារាចម្រៀង Nicholas Tse (សញ្ជាតិកាណាដា) Zhang Tielin (សញ្ជាតិអង់គ្លេស) Mark Chao (សញ្ជាតិកាណាដា) Will Pan តារាចម្រៀងមានសញ្ជាតិអាមេរិក និង ចុងក្រោយ Wang Leehom (សញ្ជាតិអាមេរិក)
មុននេះត្រចៀកកាំ ដែលមានផ្ទះអចិន្ត្រៃរស់នៅប្រទេសសិង្ហបុរី និងជាម្ចាស់ចំការទំពាំងបាយជូដ៏ធំនៅទីក្រុង Bordeaux ជាមួយនឹងស្វាមីរបស់នាង Huang Youlong ត្រូវបានគេយល់ឃើញថាបានគេចខ្លួនទៅប្រទេសបារាំង។ អ្នកខ្លះលើកឡើងថា តារាស្រីដ៏មានឥទ្ធិពលជាប់ក្នុងបញ្ជីខ្មៅដោយសារតែសហការជាមួយនឹងមហាសេដ្ឋី Jack Ma។
យ៉ាងណាមិញ ចំពោះរឿង Blacklist របស់ លី លានជា ពិតឬមិនពិតកម្រិតណានោះនៅមិនដឹងនៅឡើយទេ មានតែរង់ចាំតាមដានជាបន្តទៀត៕
