កាលពីថ្ងៃទី៣ ខែកញ្ញា ម្សិលមិញនេះ ផេកផ្លូវការកម្មវិធី Miss Grand Cambodia បានចេញមកព្រលយរឿង Super Star បាល់ទាត់មួយរូបរបស់ព្រះរាជាណាចក្រកម្ពុជា នឹងចូលរួមច្រៀងបទចម្រៀង Original ក្នុងកម្មវិធីប្រកួតនេះ។
រូបភាពមួយសន្លឹករបស់ប្រុសស្អាតញញឹមស្រស់ កីឡាករ ច្រឹង ពលរដ្ឋ កីឡាករបាល់ទាត់របស់ក្លឹប វិសាខា ត្រូវបានផេក MGC យកមកបង្ហោះ ព្រមទាំង សរសេរខ្លឹមសារបែបព្រលយថា កីឡាករឆ្នើមរូបនេះអាចនឹងក្លាយជាតារាចម្រៀងកិត្តិយសបកស្រាយបទចម្រៀងនិពន្ធថ្មី (Original Song) ដែលមានចំណងជើងថា «ម្ចាស់ក្សត្រីក្នុងសុបិន»។
នេះគឺជាខ្លឹមសារទាំងស្រុងដែលផេក MGC បានធ្វើការបង្ហោះនៅលើផេករបស់ខ្លួន៖ «បើសិនការប្រកួត Miss Grand Cambodia 2021 មាន Super Star កីឡាករបាល់ទាត់ចូលរួមបកស្រាយចំរៀងមួយបទមុនការបង្ហាញចំណាប់អារម្មណ៏របស់បេក្ខនារី TOP 10 ដែលជាបទចំរៀង Original Song បទ: ម្ចាស់ក្សត្រីក្នុងសុបិន្ត តើយល់ឃើញយ៉ាងណាដែរ? ធានាថាសំលេងរបស់គាត់មិនចាញ់តារាចំរៀងអាជីបទេហើយរូបរាងសង្ហាមិនចាញ់តួកុនដែរ ធ្លាប់ស្គាល់គាត់ពីមុនទេតើគាតមានឈ្មោះអ្វី ? អ្នកណាខ្លះជា Fan ៗរបស់គាត់ ?»
ងាកមកការចាប់អារម្មណ៍ពីសំណាក់ហ្វេនៗដែលជាអ្នកគាំទ្រកម្មវិធីបានបង្ហាញសញ្ញាណវិជ្ជមាន ព្រោះធ្លាប់បានស្គាល់ពីថ្វីជើងលេងបាល់ទាត់ និងថ្វីមាត់ច្រៀងចម្រៀងរបស់តារារូបនេះរួចជាស្រេចហើយថា មានទឹកដមសំឡេងច្រៀងបានល្អមិនចាញ់តារាចម្រៀងអាជីពប៉ុន្មាននោះឡើយ។
ចំពោះប្រិយមិត្តត្រយងវិញយល់ណាដែរចំពោះការចាប់តារាបាល់ទាត់អាជីព មកឡើងច្រៀងអបអរសាទរការប្រកួតស្រីស្អាត របស់កម្មវិធីខាងលើនេះ?