ក្រុមហ៊ុន QQ របស់ប្រទេសចិនបានសម្រេចចិត្តបណ្ដេញបុគ្គលិកនារីម្នាក់ដែលបានបញ្ចេញព័ត៌មានបែកបាក់គ្នារវាងតារាកូរ៉េល្បីពីរដួងគឺ Kim Woo Bin និង ស្រីស្អាតថ្ពាល់ខួច Shin Min Ah ។
ថ្មីៗនេះនេះក្រុមហ៊ុនបណ្ដាញសង្គមដ៏ធំរបស់ចិន QQ បានធ្វើការបណ្ដេញបុគ្គលិកម្នាក់របស់ខ្លួនដោយសារតែស្ត្រីរូបនោះបានធ្វើការផ្សាយរឿង Kim Woo Bin និង Shin Min Ah បែកបាក់គ្នា។
ស្ត្រីជាបុគ្គលិកដែលគេសន្មតឈ្មោះឱ្យថា A គឺជាអ្នកសរសេរប្លក់ពីតារាកូរ៉េនៅលើ QQ និង Weibo របស់ក្រុមហ៊ុន QQ បានផ្សាយដំណឹងចចាមអារ៉ាមថាគូស្នេហ៍តារាល្បីកូរ៉េ Kim Woo Bin និង Shin Min Ah បានបែកគ្នានៅយប់ទី២ ខែកញ្ញា ឆ្នាំ២០២១។
ក្រោយដំណឹងនេះត្រូវបានផ្សាយចេញ អ្នកអានជាច្រើនបានផ្ញើ Email ទៅកាន់ក្រុមហ៊ុន QQ ស្នើសុំឱ្យបណ្ដេញស្ត្រី A រូបនេះចេញ ក្រោយដឹងថានេះគ្រាន់តែជាព័ត៌មានក្លែងក្លាយដែលស្ត្រី A បង្កើតឡើងដោយខ្លួនឯងព្រោះចង់បានអ្នកមើលច្រើន។
ក្រុមហ៊ុន QQ បានសម្រេចចិត្តបុគ្គលិកខាងលើចេញព្រោះនេះមិនមែនជាលើកទីមួយដែលស្ត្រីរូបនេះបង្កើតព័ត៌មានក្លែងកហលាយ ព្រោះកន្លងមកនាងបានបង្កើតព័ត៌មានរឿងថាតារាស្រីល្បី Fan Bingbing គេចពន្ធហើយត្រូវបានប៉ូលិសចាប់ខ្លួន ដោយក្រោយមកតំណាងរបស់តារាស្រី Fan Bingbing បានទាមទារឱ្យសុំទោសតារាល្បីរូបនេះជាសាធារណៈ។
គួរដឹងថា Kim Woo Bin និង Shin Min Ah គឺជាតារាល្បីនិងជាគូស្នេហ៍ដ៏មានឥទ្ធិពលមួយក្នុងវិស័យសិល្បៈកូរ៉េ ដោយអ្នកទាំងពីរមានអ្នកគាំទ្រច្រើននៅពាសពេញពិភពលោក ថែមទាំងមានមនុស្សជាច្រើនាបនសន្និដ្ឋានថាអ្នកទាំងពីររូបនេះអាចនឹងរៀបការជាមួយគ្នាក្នុងពេលឆាប់ៗខាងមុខនេះ៕
ប្រភព៖ Lovekpop95
