នៅក្នុងវីដេអូធ្វើបទសម្ភាសជាមួយ Esquire Korea តារាសម្ដែងដ៏ល្បី Lee Min Ho បានឆ្លើយតបនឹងសំនួរជាច្រើនរបស់អ្នកគាំទ្រដើម្បីជាឱកាសមួយឱ្យអ្នកស្រលាញ់ចូលចិត្តកាន់តែស្គាល់លោកច្បាស់ឡើង ដោយក្នុងនោះលោកបានបង្ហើបឱ្យដឹងថាលោកខ្លាចផ្លែតាសក់។
ទោះជាលោកមិនបានបញ្ជាក់ពីមូលហេតុដែលលោកខ្លាចផ្លែតាសក់ ប៉ុន្តែលោកក៏បានបង្ហើបឱ្យដឹងថាលោកពិតជាខ្លាចផ្លែតាសក់ខ្លាំងរហូតឈប់ទៅកន្លែងណាដែលមានផ្លែតាសក់ថែមទៀតផង។ ក្រៅពីនោះ Lee Min Ho បានប្រាប់ទៀតថាក្នុងមួយថ្ងៃយ៉ាងហោចណាស់លោក Search ឈ្មោះខ្លួនឯងលើអ៊ិនធឺណិត។
នៅពេលនិយាយដល់តរៀនកីឡាគុនដាវ (ចាក់សាប) និងចង់ទៅមើលពន្លឺ Aurora (ពន្លឺនាទិសខាងជើង) នៅថ្ងៃណាមួយ ដោយនៅក្នុងសំនួរមួយបានសួរលោកថា បើសិនជាលោកអាចទៅរស់នៅកន្លែងណាមួយផ្សេងពីប្រទេសកូរ៉េ តើលោកចង់ទៅរស់នៅកន្លែងណា? តារារូបនេះបានឆ្លើយតបថា «បើសិនជាខ្ញុំអាចទៅរស់នៅកន្លែងណាផ្សេងក្រៅពីនៅលើភពផែនដី ឬ ប្រទេសកូរ៉េ ខ្ញុំចង់ទៅរស់នៅភពព្រះអង្គារ»។
នៅក្នុងវីដេអូដែលមានរយៈពេលប្រមាណជា៥នាទីនោះ តួឯកប្រុស The King: Eternal Monarch រូបនេះបានចែករំលែករឿងរ៉ាវជាច្រើនទៀតពាក់ព័ន្ធនឹងជីវិតឯកជនដូចជា លោកជាមនុស្សចូលចិត្តនៅផ្ទះ។
អ្នកគាំទ្រជាច្រើនដែលទស្សនាវីដេអូនោះរួចសុទ្ធតែពេញចិត្តចំពោះតារារូបនេះដោយមានអ្នកគាំទ្រម្នាក់បានលើកឡើងថា «ខ្ញុំស្រលាញ់ចម្លើយរបស់គាត់ គាត់ជាមនុស្សកំប្លែង សាមញ្ញ ហើយមានចិត្តស្មោះត្រង់ជានិច្ច។ ប៉ុន្តែអ្វីដែលខ្ញុំពេញចិត្តខ្លាំងជាងគេបំផុតក្នុងចំណោមចម្លើយរបស់គាត់គឺគាត់មានមោទកភាពលើខ្លួនឯង»៕
ទស្សនាវីដេអូបទសម្ភាស Lee Min Ho ខាងក្រោមនេះ៖
