កាលពី ២ ខែមុន មានរឿងដ៏កក្រើកពិភពសិល្បៈដោយសារតែតារាសម្ដែងតារាចម្រៀង Kris Wu ត្រូវបាននារីម្នាក់ឈ្មោះ Du Meizhu ថាលោកបានណាត់និងអញ្ជើញនារីរងគ្រោះជាច្រើននាក់មកធ្វើការសម្ភាស ឬ មកសាកកាមេរ៉ា នាផ្ទះរបស់លោក បន្ទាប់មកចាប់បង្ខំរំលោភ។
បច្ចុប្បន្ន លោកកំពុងតែត្រូវបានឃុំឃាំងនៅមន្ទីរឃុំឃាំង Chaoyang ដើម្បីធ្វើការស៊ើបអង្កេតបន្តលើករណីរំលោភ គំរាមកំហែង ជាដើម។ ប៉ុន្តែថ្មីៗនេះរូបភាពបុរសម្នាក់ជាប់ខ្នោះដៃខ្នោះជើងមានប៉ូលីសអមសងខាងដែលត្រូវបានគេផុសនៅលើបណ្ដាញសង្គមរបស់ប្រទេសចិន ហើយអះអាងថាគឺជា Kris Wu ដែលកំពុងតែឈររងចាំតេស្តរកជំងឺអេដស៍និងជំងឺកាមរោគផ្សេងៗ។ យោងតាមអ្នកបង្ហោះខាងលើបានសរសេរថា Kris Wu ត្រូវបានដឹកទៅពេទ្យ Ditan ក្នុងតំបន់ Chaoyang ដែលជាមន្ទីរពេទ្យមួយជំនាញជំងឺអេដស៍និងកាមរោគ។
ក្នុងនោះមានអ្នកលេងបណ្ដាញសង្គមខ្លះទៀតបានអះអាងថាឈ្មោះគ្រូពេទ្យដែលសរសេរនៅលើក្ដារខៀនខាងស្ដាំដៃរបស់ Kris Wu គឺជាគ្រូពេទ្យជំនាញជំងឺកាមរោគតែម្ដង
ថ្វីត្បិតតែនេះមិនទាន់មានការបញ្ជាក់អះអាងណាមួយ ដោយចាត់ចូលគ្រាន់តែជាពាក្យចចាមអារ៉ាម ប៉ុន្តែជនជាតិចិនជាច្រើនបានបន្តតាមដាននិងស៊ើបសួរចង់ដឹងថា បុរសក្នុងវីដអូនោះ ពិតជាអតីតតារាល្បី Kris Wu ឬក៏យ៉ាងណា? ឃ្លីបវីដេអូនេះត្រូវបានផ្សព្វផ្សាយនៅលើបណ្ដាញសង្គម និងសារព័ត៌មានជាច្រើនដូចជា Twitter ដែលធ្វើឱ្យរឿងនេះកាន់តែមានការចាប់អារម្មណ៍ខ្លាំងឡើងពីសំណាក់មហាជន។
ប្រភព៖ allkpop