ដំណឹងក្ដៅគគុកនិងកំពុងតែត្រូវបានអ្នកគាំទ្រជជែកវែកញែកគ្នាផង ឈ្លោះទាស់ទែងខ្វែងគំនិតគ្នាផង ពាក់ព័ន្ធនឹងបទចម្រៀង «Lalisa» បទចម្រៀងទោលទើបចេញថ្មីរបស់តារាចម្រៀងកូរ៉េ Blackpink សញ្ជាតិថៃ LISA បានធ្វើឱ្យហ្វេនក៏ដូចជាអ្នកលេងបណ្ដាញសង្គមមួយចំនួន នឹកឃើញដល់ករណីកញ្ញា ទេព បូព្រឹក្ស តារាចម្រៀង យ៉េយ៉េ ដែលធ្លាប់រងការរិះគន់រឿងគ្រងឈុតសំលៀកបំពាក់បុរាណក្នុងបទចម្រៀង។
សូមចុចអាន បទថ្មី «Lisa» ធ្វើឱ្យហ្វេននៅកម្ពុជាខកបំណងនិងខឹងសម្បារ ខណៈហ្វេនខ្លះចេញមុខការពារ
មហាជនមានការអាណិតនិងលើកយកករណី តារាចម្រៀងចូលចិត្តតុបតែងខ្លួនបែបប្លែកនិងទាន់សម័យ កាលពីមុុនធ្លាប់លើកយកឈុតបុរាណ ក៏ដូចជាការថតនៅតំបន់ប្រាសាទបុរាណក្នុងគោលបំណងលើកស្ទួយនិងផ្សព្វផ្សាយវប្បធម៌ជាតិ តែត្រូវរងនូវការរិះគន់ថាបានធ្វើឱ្យខូចវប្បធម៌ ស្រាប់តែនៅពេលដែល LISA យកខ្លោងទ្វារប្រាសាទបុរាណក៏ដូចជាមានបញ្ចូលភ្លេងដែលអះអាងថាជាបទភ្លេងរបស់ថៃមកដាក់ក្នុងបទចម្រៀងថ្មី បែរជាហ្វេនក្នុងប្រទេសកម្ពុជាកោតសរសើរនិងចេញមុខមកការពារ នៅពេលមានហ្វេនខ្លះបង្ហាញការមិនគាំទ្រ ដែល Concept បទចម្រៀងមានរូបខ្លោងទ្វារប្រាសាទបុរាណ។
នៅក្នុងនោះតារាចម្រៀង ទេព បូព្រឹក្ស ខ្លួនឯងក៏បានចេញមកនិយាយដល់រឿងរ៉ាវខាងលើនេះដែរថា កញ្ញា ធ្លាប់បានផ្លាស់ប្ដូរគោលបំណងថតបទចម្រៀងមួយមានចំណងជើងថា «Top of the Lady» ជាបទលើកពីឬទ្ធិអំណាចស្ត្រីពីវីដេអូមកជារូបសន្លឹកវិញ ព្រោះច្រើនលើកច្រើនសារមិនសូវមានការគាំទ្រនិងការសាទរចំពោះការច្នៃប្រឌិតរបស់ខ្លួននោះឡើយ ប៉ុន្តែកញ្ញាលើកឡើងថាបើមានការគាំទ្រហ្វេន កញ្ញា និងសម្រេចចិត្តចាប់ផ្ដើមម្ដងទៀត។