ពីមួយថ្ងៃទៅមួយថ្ងៃស្នេហាទុំជោររវាងតារាចម្រៀងដ៏ល្បីពីរដួងរបស់ព្រះរាជាណាចក្រកម្ពុជាកាន់តែផ្អែមល្ហែមឡើងៗ ព្រោះមុននេះកញ្ញា ទេព បូព្រឹក្សទើបតែទិញផ្ទះវីឡាចំនួន៥ជាកាដូថ្ងៃខួបកំណើតលោក G-Devith មកដល់ថ្ងៃម្សិលមិញនេះខាងស្រីបានបន្តផុសរូបភាពជាមួយនឹងពាក្យពេចន៍ខ្លីតែមានអត្ថន័យវែងជ្រាលជ្រៅ។
បន្ទាប់ពីលួច Surprise ទិញផ្ទះវីឡាចំនួន ៥ខ្នងជាកាដូខួបកំណើតសម្រាប់លោក G-Devith កាលពីពេលថ្មីៗនេះកន្លងរួចមក កាលពីថ្ងៃទី១៣ ខែកញ្ញា ឆ្នាំ២០២១ ម្សិលមិញនេះ កញ្ញា ទេព បូព្រឹក្សបានបន្តផុសរូបភាពផ្អែមល្ហែមជាបន្តទៀតនៅលើបណ្ដាញបណ្ដាញសង្គម ដើម្បីចែករំលែកភាពរីករាយជាមួយនឹងអ្នកគាំទ្រនៅក្នុងខែកំណើតគូស្នេហ៍របស់ខ្លួន។
ក្រៅពីរូបភាពស្អាតៗត្រជាក់ភ្នែកនៅក្នុងទឹកដីអង្គរខេត្តសៀមរាបហើយនោះ ពាក្យពេចន៍ដែលកញ្ញា ទេព បូព្រឹក្ស បានប្រើប្រាស់អមភ្ជាប់ជាមួយនឹងរូបភាពនោះកាន់តែចាក់ដោតអារម្មណ៍និងបេះដូងអ្នកបានអាន។ តារាចម្រៀងល្បីនិយមលេងម៉ូដប្លែកៗ រូបនេះបានសរសេររៀបរាប់ថា៖
«បើថ្ងៃណាមួយយើងឈ្លោះគ្នា រឺ មានអារម្មណ៍ថាចង់បង់បោះត្រូវទប់អារម្មណ៍មួយឆាវនោះឲ្យបានក៏ត្រូវចាំថាយើងតស៊ូដើរមកជាមួយគ្នាយ៉ាងលំបាក ហើយមនុស្សម្នាក់ៗមិនដឹងថាធ្វើបុណ្យជាមួយគ្នាប៉ុន្មានជាតិនោះទេទើបបានមាននិស្ស័យមកជាគូរនឹងគ្នាក្នុងជាតិនេះ ខឹងយ៉ាងណាក៏ត្រូវចាំពាក្យដែលខ្លួនសច្ចាជាមួយគ្នាកាលពីថ្ងៃចាប់ផ្តើមដែរ
G-Devith»
ការសរសេររៀបរាប់របស់កញ្ញា ត្រូវបានអ្នកគាំទ្រចូលរួមអបអរសាទរចំពោះគូស្នេហ៍មួយគូនេះយ៉ាងច្រើន ថែមទាំងមានអ្នកខ្លះទៀតលួចច្រណែនដែលកញ្ញា ទេព បូព្រឹក្ស អាចរកបានដៃគូជីវិតយល់ចិត្តគ្នា ស្រលាញ់គ្នា និងផ្អែមល្ហែមបែបនេះ។
ទស្សនារូបភាពផ្អែមល្ហែម Idol ទាំងពីរខាងក្រោមនេះ៖
