ពានរង្វាន់បាល់ទះ Special Volleyball Challenge 2021 ជាព្រឹត្តិការណ៍បាល់ទះមួយនៅចុងខែកញ្ញា ដល់ដើមខែតុលា ខាងមុខនេះ ខណៈគណៈកម្មការរៀបចំការប្រកួតត្រៀមរៀបចំប្រាក់រង្វាន់ជាច្រើនលានរៀលដល់ក្រុមដែលទទួលបានចំណាត់ថ្នាក់ល្អជាងគេ។
តាមគម្រោងក្រុមដែលទទួលបានចំណាត់ថ្នាក់ល្អជាងគេនឹងទទួលបានរង្វាន់និងថវិកាលើកទឹកចិត្តដូចជា៖
-ក្រុមជើងឯកទទួលបាន រង្វាន់ជាពាន ចំនួន១ និងថវិកាអមចំនួន ១០រៀល
-ក្រុមជើងឯករង ទទួលបានរង្វាន់ជាថវិកាចំនួន ៨រៀល
-ក្រុមលេខ៣ ទទួលបានថវិកាចំនួន ៦រៀល
ចំណែកពានរង្វាន់ឯកត្តបុគ្គលរួមមាន៖
–កីឡាករវាយប្រយុទ្ធល្អជាងគេ រង្វាន់ជាថវិកាចំនួន ៤០០.០០០ រៀល
–កីឡាករធ្វើរនាំងល្អជាងគេ រង្វាន់ជាថវិកាចំនួន ៤០០.០០០ រៀល
–កីឡាករវាយសេវាល្អជាងគេ រង្វាន់ជាថវិកាចំនួន ៤០០.០០០ រៀល
–កីឡាករលើកបាល់ល្អជាងគេ រង្វាន់ជាថវិកាចំនួន ៤០០.០០០ រៀល
គណៈកម្មការរៀបចំការប្រកួតបានបើកឱ្យមានការចុះឈ្មោះហើយ រហូតដល់ថ្ងៃទី២២ ខែ កញ្ញាឆ្នាំ២០២១ ខាងមុខ ដោយផែនការជ្រើសរើសយកក្រុមចំនួន១២ ក្រុម (ប៉ុន្តែអាស្រ័យតាមការដាក់ពាក្យចូលរួមជាក់ស្តែង)។
ចំណែកការប្រកួតគឺគ្រោងរៀបចំពីថ្ងៃទី២៤ ខែកញ្ញា ដល់ថ្ងៃទី១០ខែតុលា ឆ្នាំ២០២១ ដោយបែងចែកជាវគ្គជម្រុះតាមពូល វគ្គ៨ក្រុមចុងក្រោយ វគ្គពាក់កណ្ដាលផ្ដាច់ព្រ័ត្រ និងវគ្គផ្ដាច់ព្រ័ត្រ។ ការប្រកួតធ្វើឡើងនៅទីលានកីឡដ្ឋានព្រីនស៍ (ម្តុំហ្រ្គេនភ្នំពេញ) ព្រមទាំងមានផ្សាយផ្ទាល់នៅលើហ្វេសប៊ុក និងយូធូប សារព័ត៌មានត្រយងផងដែរ។
សម្រាប់ក្រុមដែលចង់ចូលរួមប្រកួតប្រជែងអាចចុះឈ្មោះតាមរយៈលេខ 098 229 192 / 077 910 009 (លោកគ្រូ ទែន ឡន)៕