ថ្មីៗនេះ ខណៈដែលតារាសម្ដែង កែវ ឡាវីញ កំពុងតែឡើងកូដខ្លាំង ទទួលបានឱកាសការងារសម្ដែងកាន់តែច្រើន ស្រាប់តែផ្ទុះចេញរឿងមិនពេញចិត្តពីសំណាក់អ្នកគាំទ្រ ដែលធ្លាប់តែស្រលាញ់ចូលចិត្តនិងគាំទ្រតារាស្រីរូបនេះនាពេលកន្លងមក។
កូនស្រីអ្នកស្រី កែវ កល្យាណ ដែលបានសាងកេរ្តិ៍ឈ្មោះល្បីល្បាញតាមរយៈការបង្ហាញវត្តមានសម្ដែងរឿងដំបូង ក្នុងរឿងភាគ «រសជាតិអ្នកមាន» ជាមួយនឹងដៃគូសម្ដែងកញ្ញា យ៉ា សុផាន់ម៉ៃ ជាស្នេហាស្រីនិងស្រី រហូតមានការគាំទ្រភ្លូកទឹកភ្លូកដី បង្កើតជា Group គាំទ្រតាមរយៈបណ្ដាញសង្គម មានសមាជិករាប់ម៉ឺននាក់។
ក្រោយចប់សាច់រឿងនេះ តារាទាំងពីរដួងនៅតែបន្តមានវត្តមានសម្ដែងរឿងជាមួយគ្នាទៀតដូចជារឿង «សង្សារខ្ញុំវគ្គ១និងវគ្គ២» ដែលធ្វើឱ្យប្រជាប្រិយភាពរបស់អ្នកទាំងពីរកាន់តែខ្លាំង និងមានហ្វេនចូលចិត្តកាន់តែច្រើន។
យ៉ាងណាមិញមួយរយៈចុងក្រោយនេះ ហ្វេនៗដែលធ្លាប់តែគាំទ្រតារាសម្ដែង កែវ ឡាវិញ និង យ៉ា សុផាន់ម៉ៃ បានសម្ដែងការមិនសប្បាយចិត្តចំពោះក្រុមគ្រួសាររបស់កញ្ញា កែវ ឡាវិញ ដោយមានអ្នកខ្លះបានលើកឡើងថា បងប្អូនជីដូនមួយរបស់តារាស្រីរូបនេះមើលងាយទឹកចិត្តអ្នកគាំទ្រ ខណៈអ្នកខ្លះទៀតដែលធ្លាប់តែចាប់គូ កែវ ឡាវិញ និង យ៉ា សុផាន់មៃ មិនសប្បាយចិត្តព្រោះយល់ថាក្រុមគ្រួសារកញ្ញា កែវ ឡាវីញ មានការលាក់បាំងពីទំនាក់ទំនងក្រៅសាច់រឿងរបស់តារាស្រីនេះជាមួយនឹងដៃគូពិត។
នៅក្នុងនោះត្រយងសូមបង្ហាញមតិលើកឡើងរបស់អ្នកគាំទ្រមួយរូបដែលបានបញ្ចេញចំណាប់អារម្មណ៍របស់ខ្លួនថា៖ «មិនបាច់បង្ហាញទ្វារទេ ហ្វេនដូចខ្ញុំមានខួរក្បាលច្រើនសម្រាប់ការគិតហើយ ស្ដាយទឹកចិត្តកន្លងមកដែលស្រលាញ់និងគាំទ្រអ្នក ខ្ញុំឆ្អែតតាំងពីអ្នកបញ្ចេញកាយវិការមកដូចធុញទ្រាន់ជាមួយនឹងហ្វេនណាស់ចឹង តែខ្ញុំនៅតែចិត្តមិនដាច់ពីអ្នក បន្ទាប់មកអ្នកចាប់ផ្ដើមឡាយជជែកគ្នាជមួយមិត្តអ្នកម្នាក់ទៀត កាយវិការនិងទង្វើមិត្តរបស់អ្នក ចេញមកដូចមានតែឯង តាំងខ្លួនជាអ្នកដោះស្រាយវិបត្តិទេ តែបើចរិតគឺពិបាកនិងទទួលយកណាស់ និយាយចេញមករៀងអឿៗ មិនដឹងថាខ្លួននឹងអស្ចារ្យប៉ុណ្ណាទេ ខ្ញុំខ្ពើមចរិតម្នាក់អីមិត្តអ្នកណាស់ បន្ទាប់មកគឺរឿងបងប្រុសជីដូនមួយរបស់អ្នកដៀលហ្វេនៗកប់ៗមាត់ ទង្វើរបស់បងប្រុសជីដូនមួយអ្នកនិងទង្វើរបស់មិត្តអាចធ្វើឱ្យអ្នកធ្លាក់ដល់ដីវិញ ហើយបើអ្នកមិនចេះណែនាំពួក២នាក់នឹងទេ គេនឹងអាចគិតថាអ្នកជាអ្នកប្រើដៃពួកគាត់ឱ្យធ្វើទង្វើទាំងអស់នឹងចេញមក ស្ដាយទឹកចិត្តដែលមានជាមួយអ្នកកន្លងមក»
ថ្វីត្បិតតែមានហ្វេនបង្ហាញការមិនពេញចិត្តនិងប្រាប់ថាដកខ្លួនឈប់គាំទ្រ កញ្ញា កែវ ឡាវីញ និងក្រុមគ្រួសារ តែក៏មានហ្វេនខ្លះបានលើកឡើងថា នៅតែបន្តគាំទ្រតារាស្រីសំណព្វចិត្តរបស់ខ្លួន កែវ ឡាវីញ ជាបន្តទៀត ដោយសុខចិត្តមើលរំលងបញ្ហាគ្រួសារនិងរឿងផ្ទាល់ខ្លួនរបស់តារាស្រីរូបនេះ។
ទស្សនាវីដេអូព័ត៌មានខាងក្រោម៖
