ពិធីបុណ្យសែនព្រះខែ ឬសែនលោកខែ គឺជាពិធីបុណ្យក្នុងចំណោមពិធីបុណ្យជាច្រើនរបស់ជនជាតិចិន ហើយនៅកម្ពុជាក៏នឹងមានការរៀបចំពិធីនេះដែរ សម្រាប់បងប្អូនប្រជាពលរដ្ឋខ្មែរជាប់សែស្រឡាយចិន។ ពិធីនេះនឹងប្រព្រឹត្តិទៅនៅយប់ថ្ងៃទី ២៧ ខែកញ្ញា ២០២១នេះ។
ផ្អែកឯកសារបានសរសេរថា បុណ្យសែនព្រះខែជាពិធីបុណ្យមួយ នៅពាក់កណ្តាលសរទរដូវ (Mid-Autumn Festival) (中秋節), ត្រូវបានគេស្គាល់ថាជាបុណ្យសែនព្រះខែ ឬ ចុងឈីវជៀ។ វាជាពិធីបុណ្យ សំរាប់អបអររដូវប្រមូលផលពេញនិយមមួយ ដែលត្រូវបានប្រារព្ធឡើងដោយជនជាតិ ចិន, តៃវ៉ាន់, និងប្រជាជនវៀតណាម. ក្នុងរយៈពេលជាង 3,000ឆ្នាំមុន ព្រះច័ន្ទត្រូវបានចាត់ទុកជាទីសក្ការៈនៃរាជវង្ស ថាង , ពិធីបុណ្យនេះ ត្រូវបានឱ្យឈ្មោះថា ចុងឈីវជៀ (中秋節) មានន័យថា”ពិធីបុណ្យពាក់កណ្តាលសរទរដូវ” នៅក្នុងរាជកាលនៃរាជវង្ស ចូវ នៅម៉ាឡេស៊ី សឹង្ហបុរី និងហ្វីលីពីន គេហៅវាថា ពិធីបុណ្យគោម ឬពិធីបុណ្យសែននំព្រះខែ ។
ពិធីនេះគេប្រារព្ធឡើងនៅថ្ងៃទី១៥ ក្នុងខែទី ៨របស់ចិន ហើយត្រូវនឹងខែកញ្ញា ឬតុលានៃប្រក្រតិទិនសូរិយាគតិ។ វាក៏ជាថ្ងៃដែលត្រូវនឹងពាក់កណ្តាលសរទរដូវនៃប្រក្រតិទិនសូរិយាគតិ ហើយនៅពេលនោះព្រះច័ន្ទក៏ពេញបូណ៌មីដែរ ។ ម្ហូបប្រពៃណីនៃពិធីនេះគឺ នំលោកខែ ។ នេះបើយោងតាមការចុះផ្សាយពីវីគីផេឌា។
ប្រភពដដែលបានសរសេរទៀតថា បុណ្យសែនព្រះខែជាពិធីបុណ្យសំខាន់មួយក្នុងប្រក្រតិទិនរបស់ចិន។ តាមប្រពៃណី ញាតិមិត្តនិង មិត្តភ័ក្តិមកជួមជុំគ្នានៅថ្ងៃនេះ ដើម្បីមើលព្រះខែពេញបូណ៌មី និងហូបនំលោកខែ។ ក្នុងពិធីបុណ្យនេះ ក៏មានទំនៀមទម្លាប់ខ្លះៗដែរ ដូចជា៖
- កាន់គោម ដុតគោម និងបង្ហោះគោម
- អុជធុបដើម្បីគោរពដល់ទេវតា ពិសេស ឆាងអឺ
- របាំនាគភ្លើង
- Collecting dandelion leaves and distributing them evenly among family members