សមត្ថកិច្ច បើកប្រតិបត្តិការបង្ក្រាបបទល្មើសនេសាទខុសច្បាប់ ស្ថិតនៅចំណុចដងទង់ រហូតដល់កោះតាប៉រ រឹបអូសបានឧបករណ៍នេសាទខុសច្បាប់ ៧ របាំង ២១០០ម៉ែត្រ ឡុកសាច់អួន១៤ឡុក លូស្បៃមុង២០ បង្គោល១០០០ដើម និងព្រលែងកូនត្រីចម្រុះ២០គីឡូ ក្រាម ចំពោះវត្ថុតាងដែលសមត្ថកិច្ចដកហូតយកបានពីបទល្មើសត្រូវបានវះកាត់កំទេចចោលនៅនឹងកន្លែង។ ប្រតិបត្តិការណ៍នេះ ដឹកនាំកម្លាំងចម្រុះ ដោយលោកយ៉ាន់វីសាក់នាយផ្នែក (ហៅសែ) សហការជាមួយកម្លាំងចម្រុះចុះប្រតិបត្តិការបង្ក្រាប នៅរដូវបិទនេសាទ។
លោក ប៉ែន វណ្ណរិទ្ធ ប្រធានមន្ទីរ កសិកម្មរុក្ខាប្រមាញ់ និងនេសាទខេត្តកំពង់ធំបានឲ្យដឹងថា ចំពោះបទល្មើសនេសាទខុសច្បាប់មិនថាក្នុងរដូវបិទនេសាទ ឬក៏រដូវបើកនេសាទនោះឡើយ គឺតែងតែណែនាំឲ្យនាយផ្នែក នាយសង្កាត់រដ្ឋបាលជលផល ធ្វើការង្រ្កាបជាប្រចាំ ដោយទុកឲ្យបទល្មើសបន្តកើនឡើងជាដាច់ខាត។
លោកប្រធានមន្ទីរកសិកម្ម.បានបញ្ជាក់ថា ចំពោះបទល្មើសនេសាទ ត្រូវបានយកចិត្តទុកដាក់ពីឯកឧត្តមរដ្ឋមន្រ្តីក្រសួងកសិកម្មរុក្ខាប្រមាញ់និងនេសាទ និងឯកឧត្តមប្រតិភូរាជរដ្ឋាភិបាលទទួលបន្ទុកជលផល និងឯកឧត្តមសុខលូអភិបាលខេត្តកំពង់ធំ តែងតែឲ្យមន្រ្តីជលផល ក្រោមឱវាទ ធ្វើការផ្សព្វផ្សាយច្បាប់ជលផលដល់សហគមន៍ និង ប្រជាពលរដ្ឋឲ្យបានទូលំទូលាយ ដើម្បីរួមគ្នាគាត់បន្ថយការប្រើប្រាស់ឧបករណ៍ខុសច្បាប់៕
