ភ្នំពេញ៖ គ្រោះចរាចរណ៍បង្កដោយរថយន្តបែនបើកបុកម៉ូតូពីក្រោយបណ្ដាលបុរសម្នាក់ កំពុងតែជិះម៉ូតូធ្វើដំណើរតាមផ្លូវរងរបួសធ្ងន់។ ហេតុការណ៍នេះ បានកើតឡើងនៅវេលាម៉ោង ៧ព្រឹក ថ្ងៃទី២៦ ខែកញ្ញា ឆ្នាំ២០២១ តាមបណ្ដោយផ្លូវបេតុងបឹងតាម៉ាត ភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ។
យោងតាមប្រភពព័ត៌មាន ពីកន្លែងកើតហេតុ បានឱ្យដឹងថា មុនពេលកើតហេតុ គេបានឃើញបុរសម្នាក់ បានជិះម៉ូតូម៉ាក ZOOMER X ពណ៌សលាយទឹកក្រូច ពាក់ស្លាកលេខ ភ្នំពេញ 1GM 8029 បានជិះធ្វើដំណើរតាម បណ្ដោយផ្លូវ បេតុងបឹងតាម៉ាត ក្នុងទិសដៅពីកើតទៅលិច លុះមកដល់ចំណុចកើតហេតុ ក៏មានរថយន្តបែនដឹកខ្សាច់ ម៉ាកហ៊ីយុនដាយ ពណ៌ស អត់មានស្លាកលេខ បានបើកធ្វើដំណើរ ក្នុងទិសដៅស្របគ្នា ក៍ជ្រុលទៅបុកម៉ូតូពីក្រោយ បណ្តាលឲ្យម៉ូតូដួលហើយរថយន្ដបានកិនពីលើអ្នកជិះម៉ូតូ រងរបួសជើងខាងស្តាំចេញឆ្អឹង ត្រូវបានបញ្ជួនតាមរថយន្តដឹកយកទៅ សង្គ្រោះនៅគ្លីនិកឯកជន ម្លិះនៅខណ្ឌដង្កោភ្លាមៗ ។ដោយឡែករថយន្តវិញនៅពេលបង្កគ្រោះថ្នាក់ហើយ អ្នកបើកបរបានចុះពីលើរថយន្ត រត់គេចខ្លួនរហូតដល់ម្តុំស្តុបផ្សារថ្នល់បត់ ក៍ត្រូវកម្លាំងប្រជាការពារខណ្ឌឃាត់ខ្លួនប្រគល់អោយសមត្ថកិច្ចជំនាញនៃអធិការនគរបាលខណ្ឌដង្កោធ្វើការសាកសួរផងដែរ ។
ក្រោយពេលកើតហេតុ សមត្ថកិច្ចសម្រេចធ្វើការវាស់វែងយកមធ្យោបាយទាំង២ទៅរក្សាទុកនៅ អធិការដ្ឋាននគរបាលខណ្ឌដង្កោ រងចាំដំណោះស្រាយ នៅពេលក្រោយ ៕