ពានរង្វាន់បាល់ទាត់ក្នុងសាល FIFA Futsal World Cup កំពុងតែរៀបចំនៅប្រទេសលីទុយអានី ក្នុងទ្វីបអឺរ៉ុប បានរកឃើញក្រុមខ្លាំងឡើងដល់វគ្គពាក់កណ្ដាលផ្ដាច់ព្រ័ត្រហើយ ដោយក្រុមជម្រើសជាតិប្រេស៊ីល ជួបអាហ្សង់ទីន ហើយក្រុមព័រទុយហ្គាល់ ជួបកាហ្សាក់ស្ថាន។
កម្មវិធីប្រកួត៖
២៩ កញ្ញា ២០២១៖ ប្រេស៊ីល Vs អាហ្សង់ទីន នៅកីឡដ្ឋាន Žalgiris Arena ក្នុងទីក្រុងKaunas
៣០ កញ្ញា ២០២១៖ ព័រទុយហ្គាល់ Vs កាហ្សាក់ស្ថាន នៅកីឡដ្ឋាន Žalgiris Arena ក្នុងទីក្រុងKaunas
គិតត្រឹមពេលនេះពានរង្វាន់ FIFA Futsal World Cup បង្កើតឡើងបាន៩លើកហើយ គិតចាប់តាំងពីឆ្នាំ១៩៨៩ មកដោយរៀបចំរាល់៥ឆ្នាំម្តង ខណៈក្រុមប្រេស៊ីល ឈ្នះជើងកបាន៥ដង អេស្ប៉ាញ ឈ្នះ២ដង និងអាហ្សង់ទីន ឈ្នះ១ដង និងការឈ្នះចុងក្រោយដែលរៀបចំនៅឆ្នាំ២០១៦ ក្នុងប្រទេសកូឡុំប៊ី។
សូមបញ្ជាក់ក្រុមបាល់ទាត់ហ្វូតសាលជម្រើសជាតិ៥ប្រទេស តំណាងឱ្យទ្វីបអាស៊ី ទៅចូលរួមប្រកួតក្នុងពានរង្វាន់ហ្វូតសាលជើងឯកពិភពលោក 2021 FIFA Futsal World Cup នៅប្រទេសលីទុយអានី ចាប់ពីថ្ងៃទី១២ ខែកញ្ញា ដល់៣ ខែតុលា ឆ្នាំ២០២១ ដោយក្នុងនោះមាន ជប៉ុន អ៊ីរ៉ង់ អ៊ូបេគីស្ថាន ថៃ និងវៀតណាម។ ប៉ុន្តែក្រុមទាំង៥បានធ្លាក់ចេញអស់ហើយ៕
