ភ្នំពេញៈ ជនសង្ស័យម្នាក់ ត្រូវបានជនរងគ្រោះចាប់ខ្លួនប្រគល់អោយសមត្ថកិច្ច យកទៅសាកសួរ បន្ទាប់ពីជនសង្ស័យរូបនោះ បានធ្វើសកម្មភាព លួចយកម៉ូតូ និងទូរស័ព្ទចំនួន២គ្រឿង របស់ជនរងគ្រោះត្រូវជាមិត្តភ័ក្ដិនិងគ្នា។
ហេតុការណ៍ឃាត់ខ្លួននេះ បានធ្វើឡេីងនៅវេលាម៉ោង ១០ព្រឹកថ្ងៃទី៣ ខែតុលា ឆ្នាំ២០២១ ចំនុចស្តុបស្ពានដែកចំការដូង ផ្លូវ២១៧ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ។
ជនរងគ្រោះមានឈ្មោះ ប៉ុង អាយុ២៥ឆ្នាំ មុខរបរលក់ដូរ ស្នាក់នៅ សង្កាត់អូបែកក្អម ខណ្ឌសែន ។
ចំណែកជនសង្ស័យមានឈ្មោះ អាមី ភេទប្រុស អាយុប្រហែល២០ឆ្នាំ មុខរបរមិនពិតប្រាកដ ។
តាមសម្ដីជនរងគ្រោះ បានអោយដឹងថា កាលពីថ្ងៃទី២៥ ខែកញ្ញា ឆ្នាំ២០២១ រូបគេជាជនរងគ្រោះ ត្រូវជាមិត្តភ័ក្ដិនិងគ្នា ហេីយនៅថ្ងៃ កេីតហេតុជនរងគ្រោះ បានទូរសព្ទ័ ហៅជនរងគ្រោះអោយទិញចំណីអាហារអោយហូរ នៅចំណុចផ្ទះសំណាក់ យីហោ អប្សរាសែនសុខ ដែរស្ថិតក្នុងសង្កាត់អូបែកក្អម ខណ្ឌសែនសុខ លុះនៅពេលជនសង្ស័យមកដល់ផ្ទះសំណាក់ ឃើញជនរងគ្រោះដេកលក់ ក៍ឆ្លៀតឱកាសលួចយក ទូរសព្ទ័សេរីទំនើបចំនួន២គ្រឿង និងម៉ូតូកូនទា ទៅបាត់តែម្ដង ។
ជនរងគ្រោះ បានបន្តទៀតថា លុះមកដល់ថ្ងៃឃាត់ខ្លួន ជនសង្ស័យបានតេទូរសព្ទ័ មកបងបងជនរងគ្រោះអោយមកជួបនៅចំណុចស្ពានដែកចំការដូង លុះមកដល់ស្ពានដែកចំការដូង ជនសង្ស័យបានជិះម៉ូតូគុបជ្រុងពណ៌ទឹកប៊ិចមួយគ្រឿងមកដល់ ក៍ជនរងគ្រោះពឹងសមត្ថកិច្ច ចរាចរណ៍ជើងគោកនៅចំណុចស្ពានដែក អោយឃាត់ខ្លួនជនសង្ស័យ យកទៅអោយសមត្ថកិច្ច ប៉ុស្តិ៍នគរបាលរដ្ឋបាលស្ទឹងមានជ័យ៣ ធ្វើការការសាកសួរតែម្តង ។
នៅពេលសាកសួរករណីនេះមិនមែន កើតហេតុនៅ សង្កាត់ស្ទឹងមានជ័យ៣ខណ្ឌមានជ័យនោះទេ គឺកេីតហេតុនៅសង្កាត់អូបែកក្អម ខណ្ឌសែនសុខ ទេីបសមត្ថកិច្ចមូលដ្ឋាន បានទំនាក់ទំនង ទៅសមត្ថកិច្ចខណ្ឌសែនសុខ អោយមកទទួលយកជនសង្ស័យនិងជនរងគ្រោះ ទៅសាកសួរនិងចាត់ការតាមនិតិវិធីបន្តទៀត៕