មានដំណឹងឮថាក្រុមបាល់ទាត់វិសាខា សមាជិកពានរង្វាន់លីគកំពូលកម្ពុជា Metfone Cambodian League 2021 ត្រៀមធ្វើកាតផ្ដល់ជូនសមាជិកអ្នកគាំទ្រក្លិបរបស់ខ្លួនជាផ្លូវការ ក្នុងពេលឆាប់ៗ។
បើតាមប្រភពស្និទ្ធស្នាលនឹងក្លិបមានមូលដ្ឋាននៅទឹកដីខណ្ឌសែនសុខ មួយនេះបង្ហើបប្រាប់សារព័ត៌មានត្រយង ថាកាតសម្រាប់អ្នកគាំទ្ររបស់ក្រុមវិសាខា គឺលើសពីកាតសម្រាប់អ្នកគាំទ្របាល់ធម្មតាៗ។
សូមបញ្ជាក់ថាក្នុងពិធី THE WARRIOR NIGHT នៅ Koh Pich City Hall នាថ្ងៃទី០១ ខែកុម្ភៈ ឆ្នាំ២០២០ កន្លងទៅ ក្លិបបាល់ទាត់វិសាខា បានបញ្ជាក់ពីផែនការរបស់ក្លិប ដោយក្នុងនោះ ការធ្វើកាតសម្រាប់សមាជិកក្លិប ក៏ស្ថិតក្នុងបញ្ជីមួយផងដែរ។
ចង់ដឹងអត់ថាកាតសម្រាប់អ្នកគាំទ្រ លើសពីកាតសម្រាប់សមាជិកធម្មតាកម្រិតណា សូមរង់ចាំក្លិបជើងឯកពានរង្វាន់សម្ដេចអគ្គមហាសេនាបតីតេជោ ហ៊ុន សែន ឆ្នាំ២០២០ មួយនេះប្រកាសផ្លូវការទាំងអស់គ្នា៕