កម្មវិធីប្រកួត Miss Intercontinental 2021 នឹងចាប់ផ្ដើមការប្រកួតនៅថ្ងៃទី២៩ ខែតុលា ឆ្នាំ២០២១ ខាងមុខនេះហើយ ដោយបេក្ខនារីដែលតំណាងឱ្យ Miss intercontinental Cambodia 2021 គឺកញ្ញា ពេជ្រ វត្តីសារ៉ាវឌ្ឍី ម្ចាស់ជយលាភីរងលំដាប់ទីមួយកម្មវិធីប្រកួត Miss Cambodia 2020។ ដើម្បីជាការចូលរួមអបអរសាទរស្ត្រីកម្ពុជាដំបូងដែលបានបោះជំហានចូលរួមក្នុងការប្រកួតលើកទី៤៩ នៅប្រទេស អេហ្ស៊ីប យុទ្ធនាការ១ដុល្លារ (Challenge 1$) ចូលរួមបរិច្ចាគថវិកាដើម្បីទិញម៉ាសក្រម៉ាខ្មែរ ត្រូវបានបង្កើតឡើងក្រោមគំនិតផ្ដួចផ្ដើម Admin Page: Universe Pageant។
យោងតាមការបង្ហោះរបស់អេដមីនផេក បានឱ្យដឹងថាខ្លួនបានទិញម៉ាសចំនួន៣០ម៉ាស រួចរាល់ហើយ ប៉ុន្តែនៅមានខ្វះម៉ាសជាច្រើនទៀតសម្រាប់ ឱ្យបវរកញ្ញាកម្ពុជា យកទៅចែកជូនបវរកញ្ញាបរទេសដែលទៅចូលរួមប្រកួតជាមួយគ្នា បានស្គាល់ថាក្រម៉ាគឺជារបស់ខ្មែរ។
សារព័ត៌មានត្រយងបានធ្វើការទំនាក់ទំនងតាមប្រព័ន្ធអនឡាញទៅកាន់កញ្ញា ពេជ្រ វត្តីសារ៉ាវឌ្ឍី ចំពោះការប្រមូលថវិកាទិញម៉ាសក្រម៉ានេះ ដោយកញ្ញាបានឆ្លើយតបឱ្យដឹងថា៖ «ការប្រមូលថវិកាម្នាក់មួយដុល្លារទិញម៉ាសក្រម៉ានេះ គឺធ្វើជាកាដូជូនដល់បេក្ខនារីប្រទេសផ្សេងៗ ដើម្បីជាការផ្សព្វផ្សាយក្រម៉ាខ្មែរទៅកាន់ឆាកអន្តរជាតិ ម្យ៉ាងដោយសារបច្ចុប្បន្នជាសម័យ Covid អ៊ីចឹងរបស់ដែលមនុស្សយើងត្រូវការគឺម៉ាស អ៊ីចឹងយើងអាចច្នៃក្រម៉ាខ្មែរទៅជាម៉ាស ខ្ញុំចង់បង្ហាញទៅកាន់បរទេសថា ក្រម៉ារបស់ខ្មែរ មានអត្ថប្រយោជន៍អាចប្រើបានគ្រប់បែបយ៉ាងទាំងអស់ មិនថាជាក្រម៉ា ជាសំលៀកបំពាក់ ឬច្នៃជារបស់របរប្រើប្រាស់ផ្សេងៗទៀត ជារួមគោលបំណងគឺផ្សព្វផ្សាយក្រម៉ាខ្មែរទៅកាន់បេក្ខនារីប្រទេសផ្សេងៗក៏ដូចជាពិភពលោកផងដែរ។»
បវរកញ្ញាកម្ពុជារូបនេះក៏បានលួចបង្ហើបផងដែរថា ក្រៅអំពីផ្សព្វផ្សាយពីម៉ាសក្រម៉ាសហើយនោះ កញ្ញាក៏មានត្រៀមឈុតសំលៀកបំពាក់ជាក្រម៉ា ដើម្បីចូលរួមក្នុងកម្មវិធីនានានៅក្នុងការប្រកួតនាពេលខាងមុខនេះផងដែរ។
គួរដឹងផងដែរថា កញ្ញា ពេជ្រ វត្តីសារ៉ាវឌ្ឍី ធ្លាប់បានបង្ហាញចំណាត់អារម្មណ៍ពាក់ព័ន្ធនឹងការទទួលបានតំណែង Miss Cambodia 2020 (1st Runner up) របស់ខ្លួនថា ពិតជាមានអត្តន័យណាស់សម្រាប់ខ្ញុំ វាជាតំណែងមួយដែលបានមកពីការខិតខំប្រឹងប្រែងតស៊ូរបស់ខ្ញុំដោយសមត្ថភាពផ្ទាល់ តំណែងមួយនេះអាចបម្រើអោយសង្គម ជាសម្លេងជួយជំរុញនិងលើកកម្ពស់អោយស្រ្តីកាន់តែមានថាមពល។
សម្រាប់ប្រិយមិត្តអ្នកអានដែលចង់ចូលរួមក្នុង Challenge ខាងលើអាចចុច 