តារាចម្រៀង និយមលេងស្ទីលតុបតែងខ្លួនប្លែកៗ ដែលពេលនេះបានវិវត្តខ្លួនមកធ្វើជា Business Man មានអាជីវកម្មលក់ឡាន លក់ផលិតផលផ្សេងៗ ប្រកបដោយជោគជ័យនោះ ក៏បានរំលឹកដល់រឿងចាស់ៗ ជំនាន់ដែលលោកប្រឡូកក្នុងសិល្បៈឡើងឆាកម្ដងៗ ចំណាយលុយសឹងអស់ពីខ្លួន។
បុរសដែលកំពុងតែជោគជ័យទាំងការងារនិងស្នេហា ព្រោះទើបតែចាប់ដៃជាមួយនឹងឧត្តមភរិយាដែលមានរូបសម្បត្តិប្រៀបដូចតារាកាលពីពេលថ្មីៗនេះបានរៀបរាប់ពីជីវិតសិល្បៈរបស់ខ្លួនកាលពីឆ្នាំ២០១០ ពោលគឺកាលពី១១ឆ្នាំមុន។
សូមចុចអាន អ៊ីណូ ស៊ូបោះចោលឈ្មោះកំលោះ ក្រោយរកបានប្រពន្ធស្អាតមើលតែតារាសម្ដែង
នៅក្នុងអ៊ីណូបានលើកឡើងថា ខ្លួនត្រូវរៀនសកលវិទ្យាល័យផង សន្សំលុយទិញខោអាវឡើងឆាកផងដោយសរុបថវិការដែលខ្លួនត្រូវចំណាយឡើងឆាកម្ដងៗច្រើនគួរសម។ ក្នុងនោះលោកបានភ្ជាប់ជាមួយនឹងរូបថតមួយសន្លឹកព្រមទាំងរៀបរាប់ពីប្រាក់ដែលលោកត្រូវចំណាយទម្រាំបានឡើងឆាកថា៖ «ខោ: ពីរមុឺនរៀល បឹងកេងកង,អាវក្រហម: ពីរមុឺនប្រាំបីពាន់រៀល យកឆ្នៃដេរដាក់ត្បូងខ្លួនឯង,ទិញត្បូងអស់: ពីរមុឺនរៀល ផ្សារអ៊ូឫស្សី,អាវយឺតក្នុង: ប្រាំបីពាន់រៀល បឹងកេងកង,មួក: ប្រាំមួយពាន់រៀល បឹងកេងកង,នាឡិកា: ពីរមុឺនរៀល បឹងកឹងកង,កងដៃ: មួយមុឺនពីរពាន់ បឹងកេងកង,ស្បែកជើង : ប្រាំបីមុឺនរៀល បឹងកេងកង និង លីអូ : ពីរមុឺនរៀល»។
សូមចុចអាន តារាចម្រៀង ENO ច្រៀងមួយបទនេះត្រូវគេយកទៅ ត្រូល (Troll) ផ្អើលហ្វេសប៊ុក!
តារារូបនេះបានបន្តថាការរៀបចំឡើងឆាកម្ដងៗចំណាយអស់ក្រែលដែរ ព្រោះសរុបជាមធ្យមអស់ ម្ភៃមួយមុឺនបួនពាន់ រៀល ស្មើ 53.5$ ដោយចំណាយនេះមិនបូកបញ្ចូលសាំងម៉ូតូដែលត្រូវជិះទៅឡើងឆាកនោះទេ៕
