យូរ៉ាយ-Uriah តារា Facebook,Tiktok ល្បីជនជាតិអាមេរិក បានឃ្លាតឆ្ងាយពីកម្ពុជាទៅប្រទេសកំណើតរបស់លោកនៅសហរដ្ឋអាមេរិក ប៉ុន្តែទោះជានៅមួយចំហៀងផែនដីម្នាក់ក៏លោកមិនភ្លេចបងប្អូនស្រុកខ្មែរដែរ ព្រោះលោកបានរៃអង្គាសប្រាក់ដើម្បីមកផ្ដល់ជំនួយស្បៀងអាហារនៅកម្ពុជា។
យោងតាមការបញ្ជាក់ពីផេកហ្វេសប៊ុកផ្ទាល់របស់ យូរ៉ាយ ដែលមានឈ្មោះ យូរ៉ាយ Uriah Lyford ថាលោករៃអង្គាសថវិកាបានជាង៦ម៉ឺនដុល្លារ ដើម្បីយកជួយផ្ដល់ជំនួយស្បៀងអាហារផ្ដល់ជូនបងប្អូនដែលខ្វះខាតក្នុងស្ថានភាពកូវីដ-១៩ ដោយក្នុងនោះលោកបានបញ្ជាក់ថាសប្ដាហ៍ក្រោយលោកនឹងត្រលប់មកកាន់ប្រទេសកម្ពុជាវិញដើម្បីបន្ត បេសកកម្ម បម្រើ អប់រំ និង អភិវឌ្ឍ។
ខាងក្រោមនេះគឺជាការលើកឡើងទាំងស្រុងរបស់ យូរ៉ាយ Uriah Lyford តាមរយៈផេករបស់លោកយ៉ាងដូច្នេះ៖
«ទោះបីជានៅ ពី មួយចំហៀងផែនដីម្នាក់ក៏ដោយក៏ខ្ញុំមិនភ្លេចបងប្អូននៅស្រុកខ្មែរដែរ ចាប់តាំងពីមកអាមេរិកយើងបានរៃអង្គាសប្រាក់បានជាង ៦ ម៉ឺនដុល្លារដើម្បីជួយផ្តល់ជំនួយស្បៀងអាហារផ្តល់ជូនបងប្អូនដែលខ្វះខាតក្នុងស្ថានភាពកូវីដនេះ សប្តាហ៍ក្រោយនឹងត្រលប់ទៅកម្ពុជាវិញដើម្បីបន្តបេសកកម្ម បម្រើ អប់រំ និង អភិវឌ្ឍ ប្រសិនបើបងប្អូនខ្មែរនៅកាលីហ្វ័រញ៉ាចង់ជួបយើង យើងនឹងចែករំលែកបន្តិចនៅព្រះវិហារ The Church On The Way ថ្ងៃអាទិត្យថ្ងៃទី ១០ ខែតុលានេះ នៅម៉ោង ៩ និង ១១ ព្រឹក ប្រសិនបើចង់បានព័ត៌មានបន្ថែមសូមទាក់ទងមកខ្ញុំ 
សូមព្រះប្រទានពរដល់បងប្អូនឱ្យមានសុភមង្គលក្នុងក្រុមគ្រួសារនិងក្តីសុខក្នុងជីវិត 
»
