ក្លិបកីឡាបាល់ទាត់វិសាខា សមាជិកពានរង្វាន់លីគកំពូលកម្ពុជា (Metfone Cambodian League) បានបើកសម្ពោធជាផ្លូវការនៃកាតសមាជិក របស់ក្លិបខ្លួននៅថ្ងៃអាទិត្យ ទី១០ ខែតុលា ឆ្នាំ២០២១ ថ្មីៗនេះ ខណៈកាតសមាជិកនេះអាចអាចប្រើប្រាស់បានដូចកាតធនាគារ ដែរ។
បើតាមការបញ្ជាក់របស់ក្លិបជើងឯកពានរង្វាន់សម្តេចតេជោ ឆ្នាំ២០២០ មួយថា៖«យើងជាក្លិបដំបូងគេ ហើយក៏ជាឆ្នាំដំបូងនៃក្លិបកីឡាបាល់ទាត់ដែលបង្កើតកាតសមាជិកអាចប្រើប្រាស់បានដូចជាកាតធនាគារ។ កាតសមាជិកក្លិបកីឡាបាល់ទាត់វិសាខា ឬអាចហៅថា The Warrior Card អាចដាក់ប្រាក់បានតាមរយៈក្រុមការងារ The Warrior Card ភ្នាក់ងារដាក់ប្រាក់អ៊ី-ម៉ាន់នី និងលីហួរវេលុយ ហើយក៏អាចផ្ទេរប្រាក់បានតាមរយៈធនាគារភ្នំពេញពាណិជ្ជ(PPCB)មកកាន់ The Warrior Card»។
កាន់តែងាយស្រួលគឺ អាចដកប្រាក់បានគ្រប់ម៉ាស៊ីន ATM ដែលមានស្លាកសញ្ញាUnion Pay។ លើសពីនេះទៀតអាចទូទាត់សាច់ប្រាក់ ទិញទំនិញតាមប្រព័ន្ធអនឡាញដែលទទួលបានការបញ្ចុះតម្លៃជាច្រើនរបស់ហាងដែលជាដៃគូរបស់ក្លិបកីឡាបាល់ទាត់វិសាខាផងដែរ។ ចំពោះការចុះឈ្មោះកាន់តែងាយស្រួលគឺគ្រាន់តែដោនឡូន Visakha FC app តាមរយៈ Play store និង App Store ដាក់លើទូរសព្ទដៃ។
ចំណែកប្រូម៉ូសិនពិសេសសម្រាប់អ្នកចុះឈ្មោះចំនួន៣០០នាក់មុនគេ នឹងទទួលបានប្រអប់អាថ៌កំបាំងមួយដែលអាចមានសម្ភារៈជាច្រើនដូចជា Pen, USB, Sticker,Sling bag,Back Pack, Duffle Bag, Sport Jacket, Sweater, Hoodie, VSK Home jersey, VSK Away Jersey, VSK Special jersey & VSK 5th year Jerseyដែលក្នុងសម្ភារៈទាំងនោះមានតម្លៃលើសពីប្រអប់អាថ៌កំបាំងទៀតចាប់ពីថ្ងៃនេះរហូតដល់ថ្ងៃទី៣១ ខែតុលា ឆ្នាំ២០២១ ឬអស់ពីស្តុក។
សម្រាប់ព័ត៌មានបន្ថែមសូមទំនាក់ទំនងលេខទូរស័ព្ទ៖ ០១២ ៥៩១ ១០០ /០១០ ៤៣១ ១០០។
