ក្ដៅ..ៗ! កាលពីយប់មិញនេះ (ថ្ងៃទី១៨ ខែតុលា ឆ្នាំ ២០២១) ឧកញ៉ា ទ្រី ដាណា ដែលជាបុគ្គលលេចធ្លោខ្លាំងមួយរូបលើផ្នែកសប្បុរសធម៌ស្រាប់តែចេញមកបង្ហោះបង្ហាញចំណាប់អារម្មណ៍ផ្ទាល់ខ្លួនពាក់ព័ន្ធនឹងការជួយដល់អ្នកដទៃរបស់ខ្លួន ក្រោយមានអ្នកមានបំណងល្អម្នាក់បានផ្ញើបំណងល្អមកកាន់ខ្លួន។
បំណងល្អពីបុគ្គលមួយរូបដែលលើកឡើងថាខ្លួនឯងជាអ្នកក្រ មកកាន់ឧកញ៉ាស្រីរូបនេះ មានខ្លឹមសារនិងអត្ថន័យចាក់ដោតអារម្មណ៍និងបេះដូងយ៉ាងដូច្នេះ៖ «ចែ ជួយគេប្រមាណខ្លួនផង! រាប់ពាន់រាប់ម៉ឺនរាល់ថ្ងៃ ពេលធ្លាក់ខ្លួនគ្មានអ្នកណាគេស្គាល់ទេ! បំណងល្អពីអ្នកក្រម្នាក់!»
ក្រោយទទួលបានបំណងល្អនោះឧកញ៉ាដែលទើបតែបែកបាក់គ្រួសាររូបនេះបានឆ្លើយទៅកាន់អ្នកមានបំណងល្អរូបនោះថាខ្លួនពិតជាអរគុណចំពោះការប្រាប់មកកាន់ខ្លួន ប៉ុន្តែរូបខ្លួនជួយដល់គេគឺជួយដោយចិត្ត ជួយដោយគ្មានលក្ខខ័ណ្ឌ គ្មានពេលវេលា គ្មានរដូវកាល ជួបពេលណាកន្លែងណាអ្នកណាមានទុក្ខជួយដល់អ្នកនោះ ម្យ៉ាងវិញទៀតការជួយរបស់ខ្លួនគឺមានគោលដៅមួយច្បាស់លាស់ណាស់ គឺជួយដើម្បីសាងបុណ្យកុសលទៅជាតិមុខ និងជួយចែករំលែកនូវសេចក្ដីល្អ ដើម្បីឱ្យបងប្អូនសាធារណជនសាងអំពើល្អ។
«ខមិនចាក់ដោត លើកទីមួយហើយដែលនាងខ្ញុំយកមកផុស ខមិនបែបនេះពិតជាចាក់ដោតមែន សូមអរគុណបងប្រុសបងស្រីខ្លាំងណាស់ដែលបានហើយម៉ែណែនាំនិងពន្យល់បែបនេះ
ប៉ុន្តែសុំឆ្លើយតបទៅកាន់បងប្រុសបងស្រីវិញថា ចំពោះការជួយរាប់ម៉ឺនរាប់ពាន់ដុល្លាររាល់ថ្ងៃនេះគឺជួយដោយចេញពីចិត្រ និងបេះដូង កាលដែលជួយចេញពីចិត្តមិនមាន ពេលមិនមានវេលា មិនមានរដូវការឡើយកន្លែងណាជួបទុក្ខលំបាកពេលដែលឃើញពេលណាគឺជួយពេលនោះ បើសិនជាខ្ញុំធ្លាក់ខ្លួនក្រ ដោយសារការជួយអ្នកក្រឬមួយក៏ដោយសារការជួយមនុស្សទូទៅក៏ល្អមើលដែរ ទេវតាប្រាកដជាមិនបើកភ្នែកមើលមនុស្សដែលកំពុងតែជួយសង្គ្រោះមនុស្សរាប់រយរាប់ពាន់រាប់ម៉ឺននាក់នោះទេខ្ញុំសង្ឃឹមថាអំពើល្អដែលចេញពីចិត្តពិតប្រាកដ អំពើល្អដែលធ្វើដោយគ្មានលក្ខខណ្ឌ អំពើល្អដែលធ្វើដោយមិនមានការហត់នឿយអំពើល្អដែលធ្វើចេញពីចិត្តពិតប្រាកដ គឺប្រាកដជាបានផលតបស្នងមកវិញនូវសេចក្តីសុខពិតៗជាក់ស្ដែងការជួយ របស់ខ្ញុំរាល់ថ្ងៃនេះ គឺខ្ញុំមានគោលដៅពីគោលដៅទីមួយគឺខ្ញុំចង់ចែករំលែកទ្រព្យសម្បត្តិរបស់ខ្ញុំដែលខិតខំគ្មានថ្ងៃសំរាកមួយចំនួនទៅកាន់បងប្អូន លោកតាលោកយាយ ដែលគាត់កំពុងតែមានជីវភាពខ្វះខាតជួបទុក្ខលំបាកដែលមិនមានអ្នកទីពឹង អោយបានកុសលផលបុណ្យទុកជាតិក្រោយៗចំណុចទី 2 គឺខ្ញុំចង់ចែករំលែកនូវសេចក្តីល្អឱ្យបងប្អូនមហាជននិងសាធារណៈជនទាំងអស់នាំគ្នាសាងល្អអោយបានច្រើនបើធ្លាក់ខ្លួនក្រ ដោយសារការជួយសង្គ្រោះអ៊ំពូមីង បងប្អូនលោកតាលោកយាយមួយចំនួនក៏ល្អមើលដែរណាបងប្រុសបងស្រីសូមអរគុណបំណងល្អ»
កាលឆ្លើយតបរបស់ឧកញ៉ា ទ្រី ដាណា ខាងលើនេះ ទទួលបានការកោតសរសើរច្រើនពីសំណាក់អ្នកគាំទ្ររបស់ខ្លួនយ៉ាងច្រើន ដោយមតិភាគច្រើនបានគាំទ្រចំពោះការធ្វើអំពើល្អនិងការជួយដល់អ្នកក្រីក្រខ្វះខាតរបស់ឧកញ៉ារូបនេះគ្រប់ៗគ្នា ព្រមទាំងជំរុញឱ្យបុគ្គលដ៏មានឥទ្ធិពលនិងទ្រព្យធុនរូបនេះបន្តទង្វើល្អរបស់ខ្លួនជាបន្តទៀត៕
