ក្លិបបាល់ទាត់ណាហ្គាវើល សមាជិកក្នុងពានរង្វាន់លីគកំពូលកម្ពុជា (Metfone Cambodian League 2021) បានប្រកាសនៅរសៀលថ្ងៃអង្គារ សប្ដាហ៍នេះក្រោយផុតកិច្ចសន្យានៅចុងខែតុលា ខាងមុខ បើទោះជារដូវកាលនេះមិនទាន់ផុតក៏ដោយ។
សេចក្ដីជូនដំណឹងរបស់ក្លិបបញ្ជាក់លើហ្វេសប៊ុកថា៖«លោក មាស ចាន់ណា នឹងត្រូវចាកចេញពីក្លិបនៅចុងខែ នេះបន្ទាប់ពីកិច្ចសន្យា របស់គាត់ផុតកំណត់។ ក្លិបបាល់ទាត់ណាហ្គាវើល សូមថ្លែងអំណរគុណចំពោះគាត់ដែលបានបំពេញការងារសម្រាប់ក្លិបរបស់យើងកន្លងមកទាំងជាកីឡាករ និងជាគ្រូបង្វឹកផង។យើងសូមជូនពរឱ្យគាត់បន្តទទួលបានជោគជ័យក្នុងអាជីពជាគ្រូបង្វឹកនាពេលអនាគត»។
ជាមួយគ្នានេះដែរក្លិបណាហ្គាវើល មិនទាន់បង្ហាញសមាសភាពគ្រូបង្វឹកថ្មី ដើម្បីដឹកនាំក្រុមក្នុងប្រកួតដែលនៅសេសសល់នោះទេ។
អត្ថបទពាក់ព័ន្ធ៖លោក ហុក សុជីវ័ន្ត តបនឹងលោក មាស ចាន់ណា ដែលបង្ហើបតម្រុយចែកផ្លូវជាមួយក្លិបណាហ្គាវើលដ៏
ប្រកួតដែលនៅសេសល់របស់ណាហ្គាវើល ក្នុងពានរង្វាន់លីគកំពូលកម្ពុជា ត្រូវជួបក្រុមកងយោធពលខេមរភូមិន្ទ និងក្រុមគីរីវង់សុខសែនជ័យ ខណៈក្រុមមួយនេះអស់ឱកាសក្នុងការប្រជែងយកជើងឯកប្រចាំរដូវកាលទៅហើយ៕
