លោក Guido De Pauw អ្នកគាំទ្រ Man City ដែលមានវ័យ ៦៣ឆ្នាំបានរងរបួសក្បាលធ្ងន់ធ្ងរ ក្រោយគាត់ត្រូវបានអ្នកគាំទ្រ Club Brugge វាយប្រហារនៅចំណតរថយន្ត E40 Drongen បន្ទាប់ពីបញ្ចប់ការប្រកួតរវាង Machester City ទល់នឹង Club Brugge កាលពីយប់ថ្ងៃអង្គារ ក្នុងវគ្គជម្រុះនៃពានរង្វាន់ UEFA Champion League នៅប្រទេសបែលហ្ស៊ិក។
ក្មេងប្រុសម្នាក់ត្រូវជាកូនរបស់ជនរងគ្រោះបានប្រាប់ថា៖ “នៅយប់ម៉ោងប្រហែល ១០:៤០នាទីមានហេតុការណ៍មួយបានកើតឡើងនៅចំណតរថយន្ត E40 Drongen ដោយឪពុករបស់ខ្ញុំបានតតាំងជាមួយជនសង្ស័យ បន្ទាប់ពីពួកគេបានព្យាយាមយកកន្សែងបង់ក Manchester City របស់ឪពុកខ្ញុំ ហើយនៅពេលឪពុករបស់សុំកន្សែងបង់កនោះត្រលប់មកវិញ ស្រាប់តែពួកគេវាយឪពុកខ្ញុំចំក្បាលឲ្យរងរបួសធ្ងន់ហើយរត់គេចខ្លួនបាត់”។
ក្រោយទទួលដំណឹងក្លិប Man City បានចេញសេចក្តីថ្លែងការណ៍ផ្ទាល់ខ្លួនថា៖ “អ្នករាល់គ្នានៅទីក្រុង Man City មានការភ្ញាក់ផ្អើល និងសោកស្តាយយ៉ាងខ្លាំងដែលបានលឺរបាយការណ៍អំពីការវាយប្រហារទៅលើអ្នកគាំទ្រម្នាក់របស់ខ្លួនបន្ទាប់ពីការប្រកួត Champions League នៅទីក្រុងបែលហ្សុិកកាលពីយប់ម្សិលមិញ”។
Sending my best wishes. Get well soon mate 💙 https://t.co/ox3jLq1bBe
— Jack Grealish (@JackGrealish) October 20, 2021
សេចក្តីថ្លែងការណ៍របស់ Club Brugge បានសរសេរថា៖“ ក្លិបមានការរន្ធត់ជាខ្លាំងដែលបានដឹងអំពីព្រឹត្តិការណ៍នៅចំណតរថយន្ត E40 Drongen ជាកន្លែងដែលអ្នកគាំទ្ររបស់ក្លិប Man City ស្នាក់នៅត្រូវបានវាយប្រហារ។ Club Brugge គាំទ្រដាក់ទោសលើបុគ្គលដែលធ្វើទង្វើបែបនេះ”។
*ក្រោយកើតហេតុប៉ូលីសនៅទីក្រុងបែលហ្សុិកបានចាប់ខ្លួនជនសង្ស័យចំនួន ៥នាក់។
Club Brugge nam met afschuw kennis van de gebeurtenissen op de snelwegparking op de E40 in Drongen.
— Club Brugge KV (@ClubBrugge) October 20, 2021
MEER 👇🏼https://t.co/UiLTecM1aT
ប្រភព៖ Goal