ក្រុមវាយកូនបាល់ជម្រើសជាតិកម្ពុជា នឹងត្រូវប្រកួតជាមួយអ៊ីរ៉ង់ ក្នុងជំនួបបិទពូល C នៃពានរង្វាន់វាយកូនបាល់អន្តរជាតិប្រចាំទ្វីបអាស៊ីនិងមហាសមុទ្រប៉ាស៊ីហ្វិក Davis Cup 2021 កម្រិតទី៤ (Asia/Oceania Group IV) នៅទីលាន Bahrain Tennis Federation Courts ក្នុងទីក្រុង Isa Town ប្រទេសបារ៉ែន នាវេលាម៉ោង១រសៀល (ម៉ោងនៅកម្ពុជា) ថ្ងៃព្រហស្បត្តិ៍ ទី២១ ខែតុលា ឆ្នាំ២០២១នេះ។
កម្មវិធីប្រកួតពូល C បណ្ដោះអាសន្នគឺ៖
-កម្ពុជា ៣-០ យេមែន
-អ៊ីរ៉ង់ ៣-០ កៀហ្ស៊ីស៊ីស្ថាន
-កម្ពុជា ២-១ កៀហ្ស៊ីស៊ីស្ថាន
-អ៊ីរ៉ង់ ៣-០ យេមែន
-អ៊ីរ៉ង់ Vs កម្ពុជា
-កៀហ្ស៊ីស៊ីស្ថាន Vs យេមែន
សូមបញ្ជាក់ថាក្រុមកម្ពុជា ដឹកនាំដោយលោក ទេព រិទ្ធីវិត អគ្គលេខាធិការសហព័ន្ធកីឡាវាយកូនបាល់កម្ពុជា មានកីឡាករមានកីឡាករ ទេព ធីម៉ូធី ឃ្លាំង ពន្លក, ប៊ុន កេន្នី និង ឡុង សំនៀង។
តាមការកំណត់នៅឆ្នាំ២០២១ នេះពានរង្វាន់ Davis Cup 2021 កម្រិតទី៤ (Asia/Oceania Group IV) កំណត់ក្រុមដែលចូលរួមទាំង១២ បែងចែកជា៣ ពូល ដោយក្នុងនោះក្រុមតាមពូលនីមួយៗត្រូវប្រកួតវិលជុំគ្នា ហើយក្រុមលេខ១និងលេខ២ មានឈ្មោះឡើងទៅវគ្គជម្រុះ រកក្រុមខ្លាំងជាងគេ៣ក្រុម ឡើងទៅលេងកម្រិតទី៣ (Asia/Oceania Group III)។
ក្រុមដែលដកខ្លួននៅឆ្នាំនេះមានបង់ក្លាដេស,មីយ៉ាន់ម៉ា,សិង្ហបុរី និងតាហ្ស៊ីគីស្ថាន៕