ក្រុមវាយកូនបាល់ជម្រើសជាតិកម្ពុជា ត្រូវប្រកួតវគ្គខ្វែងជាមួយក្រុមអារ៉ាប៊ីសាអ៊ូឌីត ក្នុងពានរង្វាន់វាយកូនបាល់អន្តរជាតិប្រចាំទ្វីបអាស៊ីនិងមហាសមុទ្រប៉ាស៊ីហ្វិក Davis Cup 2021 កម្រិតទី៤ (Asia/Oceania Group IV) នៅទីលាន Bahrain Tennis Federation Courts ក្នុងទីក្រុង Isa Town ប្រទេសបារ៉ែន នាល្ងាចថ្ងៃសៅរ៍ ទី២៣ ខែតុលា ឆ្នាំ២០២១នេះ។
កម្ពុជា ជាក្រុមលេខ២មកពីពូល C ក្រោយឈ្នះលើយេមែន ៣-០ បន្តឈ្នះកៀហ្ស៊ីស៊ីស្ថាន ២-១ និងចាញ់អ៊ីរង់ ៣-០។ ចំណែកក្រុមលេខ១មកពីពូល A ក្រោយយកឈ្នះលើក្រុមកោះហ្គាម ៣-០ បន្តឈ្នះម្ចាស់ផ្ទះបារ៉ែន ៣-០ និងឈ្នះអារ៉ាប់រួម ៣-០ ទៀត។
ដូច្នេះក្រុមលេខ១និងលេខ២មានឈ្មោះឡើងទៅវគ្គខ្វែងជាបន្តរកក្រុមខ្លាំងឡើងទៅប្រកួត Asia/Oceania Group III ឆ្នាំ២០២២ ខាងមុខ។ គូប្រកួតសរុបទាំង៣គូមានចាប់ពីម៉ោង១រសៀលតទៅ៖
-អារ៉ាប់ប៊ីសាអូឌីត Vs កម្ពុជា
-តួរមេនីស្ថាន Vs អារ៉ាប់រួម
-អ៊ីរ៉ង់ Vs អ៊ីរ៉ង់
ចំណែកការប្រកួតស្វែងរកចំណាត់ថ្នាក់ក្នុងពូល Asia/Oceania Group IV សម្រាប់ក្រុមដែលមិនជាប់ឈ្មោះឡើងជុំបន្តមាន៖
– កៀហ្ស៊ីស៊ីស្ថាន Vs ហ្គាម
- អូម៉ង់ Vs យេមែន
-បារែន Vs ម៉ុងហ្គោលី
ឆ្នាំនេះគណៈកម្មការរៀបចំការប្រកួតពានរង្វាន់ Davis Cup បានសម្រេចជ្រើសរើសយកក្រុមចំនួន៣ ក្នុងកម្រិត៤ Asia/Oceania Group IV ឡើងទៅលេងក្នុងកម្រិត៣ Asia/Oceania Group III នៅឆ្នាំ២០២២ខាងមុខ ខណៈកម្ពុជា ធ្លាប់ឡើងទៅលេងកម្រិត៣ នេះ ចន្លោះឆ្នាំ២០១៣ ដល់ឆ្នាំ២០១៦ ទើបធ្លាក់ចេញទៅ Asia/Oceania Group IV វិញមកទល់សព្វថ្ងៃ៕