Imma (អ៊ិមម៉:) នារីបង្ហាញម៉ូដជប៉ុន មិនមែនជាមនុស្សធម្មតានោះទេ តែត្រូវបានគេផលិតឡើង Computer។ មនុស្សយើងភាគច្រើនចូលចិត្ត Follow Influencer ដែលចូលចិត្តតុបតែងខ្លួន ស្លៀកពាក់ទាន់សម័យៗ ថតរូបស្អាតៗ ប៉ុន្តែជួនកាលយើងមិនបានដឹងទេថា អ្នកដែលយើងកំពុងតែ Follow នោះអាចមិនមែនជាមនុស្សពិតប្រាកដក៏ថាបាន។
Imma (អ៊ិមម៉:) គឺជា Influencer នារីដែលត្រូវបានដាក់ឈ្មោះជាភាសាជប៉ុន (អ៊ិម៉ាក់) ដែលមានន័យថា «ពេលនេះ» នារីរូបនេះត្រូវបានផលិតឡើងដោយ ModelingCafe ដែលជាក្រុមហ៊ុនជំនាញផ្នែកកុំព្យួទ័រក្រាហ្វិច។ Imma មានរូបរាងមើលទៅ ប្រៀបដូចជាមនុស្សស្រីវ័យជំទង់ធម្មតាដែលយើងធ្លាប់បានជួបនៅតាមអ៊ិនធឺណិត
«ខ្ញុំប្រៀបដូចជាក្មេងស្រីម្នាក់ ខ្ញុំចាប់អារម្មណ៍វប្បធម៌ ភាពយន្ត និងសិល្បៈរបស់ជប៉ុន» នេះគឺជាពាក្យណែនាំខ្លួនរបស់ Imma នៅលើ Instagram ដែលបានបង្កើតឡើងតាំងពីឆ្នាំ២០១៨មក ហើយមានចំនួន Follower ច្រើនជាង ៣៥២K
រូបភាពជាច្រើនដែលត្រូវបានផុសនៅលើ Instagram ផ្ទាល់ខ្លួនរបស់ Imma គឺឱ្យនារីជាមនុស្សយន្តរូបនេះសឹងតែដូចទៅនឹងមនុស្សពិតៗ ទោះជានាងមានសក់ពណ៌ស៊ីជម្ពូដ៏លេចធ្លោតែស្បែក កែវភ្នែក ច្រមុះ មាត់ គ្រប់យ៉ាងលើដងខ្លួនរបស់នាងប្រៀបដូចជាមនុស្សពិតៗដូច្នោះដែរ។
បើសិន Imma ជាមនុស្ស នាងគឺជាតារាបង្ហាញម៉ូដម្នាក់មិនខាន ជាងនេះទៀត Imma ថែមទាំងបានថតលើគម្របខាងមុខទស្សនាវដ្ដី CGWorld ផងដែរ។
វត្តមានរបស់ Imma បានឆ្លុះបញ្ចាំងឱ្យយើងមើលឃើញពីពិភពលោកដែលកំពុងតែផ្លាស់ប្ដូរនៅថ្ងៃអនាគត ពិសេសនោះ Influencer បន្ទាប់អាចនឹងក្រាន់តែជា AI ឬ បុគ្គលដែលដូចជាមនុស្សធម្មតាតែការពិតបង្កើតឡើង CGI ប៉ុណ្ណោះ។ ប្រការសំខាន់ Influencer អស់ទាំងនេះនឹងមិនមានព័ត៌មានអាស្រូវ បង្ករឱ្យខូចឬប៉ះពាល់ដល់កិត្តិយសនោះទេ។ ចំពោះប្រិយមិត្តដែលចង់ Follow នារី Influencer ដូចជាមនុស្សរូបនេះតាមរយៈ Instagram អាចចូលទៅកាន់ Instagram ហើយវាយអក្សរ @Imma.gram៕
