ក្រុមបាល់ទាត់ Atalanta ត្រូវបើកទ្វាកីឡដ្ឋាន Gewiss ក្នុងទីក្រុង Bergamo ប្រទេសអុីតាលីទទួលស្វាគមន៍ក្រុម Manchester United របស់អង់គ្លេស ក្នុងវគ្គជម្រុះពូល F នៃពានរង្វាន់ជើងឯកទ្វីបអឺរ៉ុប 2021–22 UEFA Champions League នៅវេលាម៉ោង៣រំលងអាធ្រាត្រយប់ថ្ងៃពុធ ទី០៣ ខែវិច្ឆិកា ឆ្នាំ២០២១។
ក្រុម Atalanta ក្រោមការដឹកនាំរបស់លោក Gian Piero Gasperini បច្ចុប្បន្នមានវ័យ៦៣ឆ្នាំ មកពីក្របខណ្ឌ Seria A របស់ប្រទេសអុីតាលីដោយ ដឹកនាំ១០ប្រកួត ឈ្នះ៥ ស្មើ២ និងចាញ់៣ មាន១៧ពិន្ទុ ឈរលេខរៀងទី៥។
ចំណែកក្រុម Manchester United ក្រោមការដឹកនាំរបស់លោក Ole Gunnar Solskjaer បច្ចុប្បន្នមានវ័យ៤៨ឆ្នាំ មកពីក្របខណ្ឌ Premier League របស់ប្រទេសអង់គ្លេសដោយ ដឹកនាំ៨ប្រកួតកន្លងទៅ ឈ្នះ៥ ស្មើ៤ និងចាញ់២ មាន១៩ពិន្ទុ ឈរលេខរៀងទី៥។
ក្រោយទៅដល់អុីតាលី Ronaldo បាននិយាយថា៖ ” អុីតាលីគឺជាប្រទេសដែលស្វាគមន៍ខ្ញុំ និងក្រុមគ្រួសាររបស់ខ្ញុំបានយ៉ាងល្អ ជាកន្លែងដ៏អស្ចារ្យដែលនឹងស្ថិតនៅក្នុងបេះដូងរបស់ខ្ញុំជារៀងរហូត។ តាមបទពិសោធន៍ ខ្ញុំដឹងថាវាមិនងាយស្រួលទេក្នុងការលេងនៅ Bergamo ទល់នឹងក្រុមដូចជា Atalanta ប៉ុន្តែយើងនឹងប្រឹងប្រែងឱ្យអស់ពីសមត្ថភាពដើម្បីរក្សាចំណាត់ថ្នាក់លេខ១ឲ្យក្រុមរបស់យើង “។
ខ្សែប្រយុទ្ធឆ្នើម Cristiano Ronaldo ឈរលេខ១ក្នុងនាមជានាក់រកគ្រាប់បាល់បានច្រើនជាងគេពោលគឺចំនួន១៣៧គ្រាប់ នៅក្នុងក្របខណ្ឌ UEFA Champion League សម្រាប់ការបង្ហាញខ្លួនសរុប ១៧៩ប្រកួតចំនួន៣ក្លិបផ្សេងៗគ្នា៖
– Manchester United (18គ្រាប់)
– Real Madrid (105គ្រាប់)
– Juventus (15គ្រាប់)។
កីឡាករទំនងជាប់ជម្រើស១១នាក់នៅយប់នេះរបស់ក្រុមទាំង២៖
Manchester United ទម្រង់លេង ៣-៤-១-២៖
អ្នកចាំទី៖ De Gea
ខ្សែការពារ៖, Maguire, Lindeloef, Varane
ខ្សែបម្រើ៖ Shaw, Fernandes, Ferd, Wan-Bissaka
ខ្សែប្រយុទ្ធ៖ Cavani, Ronaldo។
Atalanta ទម្រង់លេង ៣-៤-១-២៖
អ្នកចាំទី៖ Musso
ខ្សែការពារ៖ Palomino, Demiral, Freuler
ខ្សែបម្រើ៖ Maehle, Koopmeiners, Roon, Zappacosta
ខ្សែប្រយុទ្ធ៖ Muriel, Zapata, Ilicic៕
