ក្លិបអ្នកមានបុណ្យ FC Barcelona បានចេញមកប្រកាសថាខ្សែបម្រើប្រយុទ្ធ Ousmane Dembele មានបញ្ហារបួសភ្លៅខាងឆ្វេងដែលតម្រូវអោយគាត់សម្រាកព្យាបាលចំនួន៣សប្តាហ៍ ក្រោយលេងបាន២៥នាទីក្នុងការប្រកួត UCL ទល់នឹង Dynamo Kiev កាលពីយប់ថ្ងៃអង្គារ កន្លងទៅនេះ។
គួរបញ្ជាក់ឲ្យដឹងថាក្លិប Barcelona បានទិញខ្សែបម្រើប្រយុទ្ធ Dembele ពីក្លិប Borussia Dortmund របស់អាល្លឺម៉ង់ នៅឆ្នាំ២០១៧ ជាមួយកិច្ចសន្យារយៈពេល៥ឆ្នាំ ក្នុងតម្លៃខ្លួន១០៥លានអឺរ៉ូ (ស្មើនឹង១២៥លានដុល្លារអាមេរិក) បូកទាំងប្រាក់ឧបត្ថម្ភចំនួន៤២លានអឺរ៉ូផ្សេងទៀត។
ចាប់តាំងពីចូលរួមជាមួយ Barcalona ក្នុងឆ្នាំ២០១៧ កីឡាករវ័យ២៤ឆ្នាំរូបនេះ បង្ហាញខ្លួនសរុបលើទីលាន១១៩ប្រកួត ស៊ុតបញ្ចូលទី៣០គ្រាប់ និងបញ្ចូលបាល់ឲ្យមិត្តរួមក្រុមស៊ុតបញ្ចូលទី២១លើក ខណ:អវត្តមានសរុប ៦៧០ថ្ងៃ ដោយសារតែបញ្ហារបួស។
ខាងក្រោមនេះគឺជាបញ្ជីរបួសរបស់ Dembele៖
-ថ្ងៃទី៩ ខែមករា ឆ្នាំ២០១៧ បញ្ហារបួសត្រង់ត្រគាក (សម្រាកព្យាបាលរបួសរយ:ពេល១០ថ្ងៃ)
-ថ្ងៃទី១៧ ខែកញ្ញា ឆ្នាំ២០១៧ បញ្ហារបួសត្រង់សរសៃពួរ (សម្រាកព្យាបាលរបួសរយ:ពេល១០៦ថ្ងៃ)
-ថ្ងៃទី១៥ ខែមករា ឆ្នាំ២០១៨ បញ្ហារបួសត្រង់សាច់ដុំ (សម្រាកព្យាបាលរបួសរយ:ពេល២៦ថ្ងៃ)
-ថ្ងៃទី៨ ខែកុម្ភៈ ឆ្នាំ២០១៩ បញ្ហារបួសត្រង់កជើង (សម្រាកព្យាបាលរបួសរយ:ពេល១៨ថ្ងៃ)
-ថ្ងៃទី១៤ ខែមីនា ឆ្នាំ២០១៩ បញ្ហារបួសត្រង់សាច់ដុំ (សម្រាកព្យាបាលរបួសរយ:ពេល២៦ថ្ងៃ)
-ថ្ងៃទី៥ ខែឧសភា ឆ្នាំ២០១៩ បញ្ហារបួសត្រង់សរសៃពួរ (សម្រាកព្យាបាលរបួសរយ:ពេល៤២ថ្ងៃ)
-ថ្ងៃទី១៩ ខែសីហា ឆ្នាំ២០១៩ បញ្ហារបួសត្រង់សរសៃពួរ (សម្រាកព្យាបាលរបួសរយ:ពេល៣៤ថ្ងៃ)
-ថ្ងៃទី២៧ ខែកញ្ញា ឆ្នាំ២០១៩ បញ្ហារបួសត្រង់សាច់ដុំ (សម្រាកព្យាបាលរបួសរយ:ពេល៣ថ្ងៃ)
-ថ្ងៃទី២៨ ខែវិច្ឆិកា ឆ្នាំ២០១៩ បញ្ហារបួសត្រង់សាច់ដុំរហែក (សម្រាកព្យាបាលរបួសរយ:ពេល៦៦ថ្ងៃ)
-ថ្ងៃទី៤ ខែកុម្ភៈ ឆ្នាំ២០២០ បញ្ហារបួសត្រង់សរសៃពួរ (សម្រាកព្យាបាលរបួសរយ:ពេល១៩១ថ្ងៃ)
-ថ្ងៃទី៦ ខែធ្នូ ឆ្នាំ២០២០ បញ្ហារបួសត្រង់សរសៃពួរ (សម្រាកព្យាបាលរបួសរយ:ពេល២២ថ្ងៃ)
-ថ្ងៃទី២១ ខែមេសា ឆ្នាំ២០២១ បញ្ហារបួសមិនបានបញ្ជាក់ (សម្រាកព្យាបាលរបួសរយ:ពេល២ថ្ងៃ)
-ថ្ងៃទី២០ ខែមិថុនា ឆ្នាំ២០២១ បញ្ហារបួសត្រង់ជង្គង់ (សម្រាកព្យាបាលរបួសរយ:ពេល១៣៤ថ្ងៃ)៕
