តារាសម្ដែងស្រីល្បីកូនកាត់អេស្ប៉ាញ Margie Rasi បានបង្ហោះបង្ហាញនិងបង្អួតស្នាមសាក់លើស្មាស្ដាំរបស់ស្វាមី Pork ដែលបានហោះទៅឆ្ងាយដល់ប្រទេសស៊ុយអែត។
ក្នុងឱកាសដែលគ្រួសារតារាសម្ដែងរូបនេះធ្វើដំណើរទៅសំរាកលម្ហែកាយនៅប្រទេសអេស្ប៉ាញនិងមានធុរៈផ្ទាល់ខ្លួនផងនោះស្វាមី Hi-So និងជាតារាចម្រៀង Rap ផងនោះបានឆ្លៀតធ្វើរឿងដ៏ភ្ញាក់ផ្អើលមួយសម្រាប់ឧត្តមភរិយាបណ្ដូលចិត្តរបស់ខ្លួនដោយសាក់រូបភរិយានៅខាងលើស្មាស្ដាំខ្លួនដែលជាស្នាដៃសាក់ដោយសិល្បករជំនាញសាក់ល្បីដែលមានសិល្បករហូលីវូដ តារាបាល់ទាត់ល្បីៗទៅសាក់នៅហាងសាក់នោះជាច្រើននាក់។
សម្រាប់ស្នាមសាក់រូបឧត្តមភរិយា Margie នេះត្រូវបាន Pork បង្ហើបឱ្យដឹងតាមរយៈឆាណែល Youtube ក្នុងកម្មវិធី «ป๊อกกี้ on the run ep.44» ថារូបលោកតាំងចិត្តសាក់រូបភរិយាជាច្រើនឆ្នាំមកហើយ ដោយដៃស្ដាំនេះគឺទុកសាក់សម្រាប់គ្រួសាររបស់លោក ដំបូងឡើយលោកបានសាក់ឈ្មោះកូនប្រុសកូនស្រីភ្លោះនៅលើដៃស្ដាំ (Mika-Mia) ដូច្នេះនៅសល់មុខភរិយានិងរូបកូនភ្លោះដែលលោកមិនទាក់បានសាក់ដូចការតាំងចិត្ត ទើបលោកឆ្លៀតឱកាសនេះសម្រេចក្ដីបំណងដែលលោកប៉ងទុកនេះឱ្យបានសម្រេចតែម្ដង។
ថ្មីៗនេះ Margie បានផុសរូបខ្លួនក្នុង IG ដោយបង្ហាញឱ្យឃើញស្នាមសាក់ថ្មីចុងក្រោយរបស់ស្វាមី ព្រមទាំងយកមុខខ្លួនទៅដាក់ប្រៀបនឹងមុខនៅលើដៃស្វាមីតាមរយៈ IG @Margie_Rasri អមដោយសំណេរខ្លីថា «ដូចដែរទេ? អាចទៅមើលរូបភាពខាងក្រោយឆាកបាននៅលើឆាណែល on the run ep.44 ច៎ា»
អ្នកគាំទ្រប្រិយមិត្តភក្ដិតារាសម្ដែងល្បីៗ ដែលបានឃើញរូបភាពនិងសំណេររបស់ Margie រួចបានចូលមក Comment សរសើរចំពោះស្នាដៃរបស់សិល្បកររូបនេះយ៉ាងជាច្រើនរូប
