មុននេះបន្តិចក្លិបបាល់ភ្នំពេញក្រោន បានបង្ហោះលើផេកផ្លូវការថា៖”លោក ស៊ុំ វណ្ណា សម្រេចចាកចេញពីតួនាទីក្នុងនាមជានាយកបច្ចេកទេសក្រុមយុវជនថ្នាល និងក្រុមនារីយើងគ្រប់គ្នានៃក្លិបភ្នំពេញក្រោន”។
គួររំឭកថា លោក ស៊ុំ វណ្ណា ត្រូវបានតែងតាំងឲ្យធ្វើជាគ្រូជំនួយក្លិបភ្នំពេញក្រោន នៅថ្ងៃទី៩ ខែវិច្ឆិកា ឆ្នាំ២០១៨ ហើយគ្រូបង្វឹកកម្រិត A-License រូបនេះបានឡើងកាន់តំណែងជាគ្រូបង្វឹកបណ្តោះអាសន្នជំនួសគ្រូបង្គោលសញ្ជាតិប្រេស៊ីលលោក Leonardo Vitorino នៅថ្ងៃទី ៩ ខែឧសភា ឆ្នាំ២០១៩។
បន្ទាប់មកទៀតលោក ស៊ុំ វណ្ណា ត្រូវបានតែងតាំងជាគ្រូបង្គោលក្លិបភ្នំពេញក្រោនពេញសិទ្ធិ នៅថ្ងៃទី១៧ ខែមករា ឆ្នាំ២០២០ ហើយក្រោមការដឹកនាំរបស់លោកក្នុងការប្រកួតរដូវកាលឆ្នាំ២០២០-២១ ក្រុមភ្នំពេញក្រោន ទទួលបានចំណាត់ថ្នាក់លេខ៣ ក្នុងពានលីគកំពូល ព្រមទាំងបានលេខ៤ ក្នុងពានរង្វាន់សម្តេច ហ៊ុន សែន។
នៅឆ្នាំដដែលលោក ស៊ុំ វណ្ណា ក៏បានប្រកាសលាឈប់ពីតំណែងជាគ្រូបង្គោលក្លិបបាល់ទាត់ភ្នំពេញក្រោន ដោយអ្នកជំនួសតំណែងគាត់គឺលោក Oleg Starynskyi សញ្ជាតិអ៊ុយក្រែន។