ក្រោយផ្ទុះករណី Club House ជជែកវែកញែកនិងប្រមាថដល់អ្នកខេត្តប៉ែកឥសាន្តដោយក្នុងបន្ទប់ជជែកបានដាក់ឈ្មោះផ្សេងៗគ្នាថា «អ្នកខេត្តភូមិភាគឥសាន្តត្រឹមតែច្រូតស្រូវឱ្យអ្នកក្រុងឆី» «អ្នកខេត្តភាគឥសាន្តគឺ Zombie ក្នុងជីវិតពិត Resident Esan» «ភ្ញាក់ឬនៅពួកខេត្តឥសាន្តខ្ញុំបម្រើគេ» ដែលជាភាសាមើលងាយខ្លាំងរហូតមានអ្នកមួយចំនួនអត់ទ្រាំមិនបាន បានថតសំឡេងយកមកចែករំលែកលើប្រព័ន្ធ Social Media។
មិនទាន់អស់ត្រឹមប៉ុន្តែរឿងនេះនៅរាលដាលដល់ Idol កូរ៉េ សញ្ជាតិថៃ LISA ក្នុងក្រុម Blackpink ដោយលើកឡើងបែបចោទប្រកាន់ថា «Lisa មិនត្រឹមតែធ្វើការងារជាតារាចម្រៀងនោះទេ រមិលគុណផែនដី ភ្លេចកំណើតខ្លួនឯង បើសិនជាអ្នកខេត្តឥសាន្តពិតៗ Lisa ប្រហែលជាត្រលប់មកវិញស្រាប់ហើយ ថែមទាំងនៅមានការនិយាយមើលស្រាលដល់តារាកូរ៉េ និងរើសអើងក្រុម LGBTQ+»
ដោយចុងក្រោយក្នុង Twitter មាន Account មួយបានចេញមកទម្លាយរឿងសំខាន់មួយថា «ម្ដាយរបស់ Lisa នឹងដំណើរការប្ដឹងផ្ដល់តាមច្បាប់ចំពោះអ្នកដែលនិយាយឈ្មោះ LISA តារាចម្រៀងនិងសិល្បករកូរ៉េ ដែលមកពីដែនដីឥសាន្ត ដោយភាសាបែបមើលងាយដោយត្រង់ចំពោះ ព្រោះមិនមាន LISA ណាផ្សេងក្រៅពី LISA កូនស្រីរបស់ខ្លួនទៀតនោះទេ»
ត្រលប់ទៅកាលពីជាង១០ឆ្នាំមុន ផលិតកម្ម YG Entertainment ផលិតកម្មដ៏ធំរបស់កូរ៉េខាងត្បូងដែលជាផលិតកម្មគ្រប់គ្រងលើក្រុមចម្រៀង Blackpink ក៏ធ្លាប់បានប្ដឹងផលិតកម្មចម្រៀងដ៏ធំមួយរបស់ប្រទេសថៃ «RS» ក្រោយផលិតកម្មថៃនេះបានរំលោភសិទ្ធិបញ្ញា «Im Sorry» របស់តារាចម្រៀង «Gummy» ដោយចំនួនទឹកប្រាក់ជាង៣០០លានបាត ឬប្រមាណជាង៩លានដុល្លារអាមេរិក៕
