អតីត Trainee មួយរូបឈ្មោះ Han Seo Hee បានប្រើប្រាស់សារធាតុញៀន methamphetamine (ម៉ាទឹកកក) ខណៈស្ថិតក្នុងការតាមដានការប្រព្រឹត្តត្រូវបានតុលាការកាត់ទោសឱ្យជាប់ពន្ធនាគារនិងចាប់ខ្លួនក្នុងខណៈដែលតុលាការកំពុងកាត់ក្ដី។ ប៉ុន្តែមហាជននិងមនុស្សមួយចំនួនក្រោយឃើញសារព័ត៌មាននេះ បានមានការយល់ច្រឡំថា Han Seo Hee ដែលត្រូវតុលការកាត់ទោសនោះគឺជាតួឯកស្រីវ័យក្មេងដ៏ល្បីល្បាញ ហើយរឿងរបស់កញ្ញាចំនួនពីរលើ Netflix ល្បីល្បាញខ្លាំងគឺរឿង «Nevertheless» និង «My Name»។
កាលពីថ្ងៃទី១៧ ខែវិច្ឆិកា ឆ្នាំ២០២១ ម្សិលមិញនេះមានការភ្ញាក់ផ្អើលខ្លាំងក្នុងចំណោមអ្នកគាំទ្រភាពយន្តកូរ៉េនិងតារាកូរ៉េ បន្ទាប់ពីមានសារព័ត៌មានកូរ៉េបានផ្សព្វផ្សាយថា Han Seo Hee ត្រូវតុលាការកាត់ទោសឱ្យជាប់ពន្ធនាគារចំនួន១ឆ្នាំនិង៦ខែ។
យ៉ាងណាមិញ Han Seo Hee ដែលត្រូវតុលាការកាត់ទោសឱ្យជាប់ពន្ធនាគាររូបនេះគឺជាអតីតក្មេងហ្វឹកហាត់ត្រៀមចូលសិល្បៈ មិនមែនជា Han Seo Hee ដែលជាតួឯកស្រីនៅក្នុងការសម្ដែងរឿង «Nevertheless» និង «My Name» ដែលល្បីល្បាញនិងមានអ្នកទស្សនាច្រើននៅលើ Netflix នោះឡើយ។
ហ្វេនៗដែលជាអ្នកគាំទ្រតារាស្រី Han So Hee និងហ្វេនដែលតាមដានរឿងក្ដីនេះបានចេញមក Comment ធ្វើការកែតម្រូវចំពោះអ្នកគាំទ្របរទេសដែលមានការយល់ច្រឡំចំពោះតារាស្រីរូបនេះ ដើម្បីកុំឱ្យមានការប៉ះពាល់ដល់ កិត្តិយស កេរ្តិ៍ឈ្មោះ និងសេចក្ដីថ្លៃថ្នូររបស់តារាក្នុងដួងចិត្តរបស់ខ្លួន ដោយមានការបញ្ជាក់ថាឈ្មោះរបស់អ្នកទាំងពីរសរសេរខុសគ្នាបន្តិចបន្តួចមិនដូចគ្នាទាំងស្រុងពេកទេ ដោយឈ្មោះអ្នកដែលត្រូវតុលាការកាត់ទោសនោះឈ្មោះ Han Seo Hee ចំណែកតារាស្រី My Name សរសេរ Han So Hee៕
