ជនអន្តោប្រវេសន៍ ២៧នាក់ស្លា.ប់ នៅពេលទូកលិចកណ្ដាលសមុទ្រ អំឡុងពេលជិះឆ្លងប្រទេសបារាំងចូលទៅកាន់ទឹកដីចក្រភពអង់គ្លេស។ ទូករបស់ពួកគេលិចនៅជិតតំបន់ឆ្នេរសមុទ្រភាគខាងជើងប្រទេសបារាំង នេះគឺជាសោក.នាដកម្មដ៏ធំមួយ ចាប់តាំងពីការធ្វើដំណើរតាមផ្លូវទឹកគឺជាមធ្យោបាយដ៏ល្អសម្រាប់ការឆ្លងដែនខុសច្បាប់។
ជុំវិញបញ្ហានេះ ប្រធានាធិបតីបារាំង លោក អ៊ែមម៉ានុយអ៊ែល ម៉ាក្រុង (Emmanuel Macron) បានប្តេជ្ញាថា ប្រទេសបារាំងនឹងមិនអនុញ្ញាតឱ្យបណ្ដាញផ្លូវទឹកក្លាយជា «ទីបញ្ចុះសព» នោះទេ ហើយថែមទាំងបាននិយាយទៅកាន់នាយករដ្ឋមន្ត្រីអង់គ្លេស លោក បូរីស ចនសុន (Boris Johnson) ឱ្យយល់ព្រមលើការបង្កើនកិច្ចខិតខំប្រឹងប្រែង និងចាត់វិធានការយ៉ាងតឹងរ៉ឹងជាងនេះ ដើម្បីទប់ស្កាត់ការកើនឡើង នៃការឆ្លងកាត់របស់ជនអន្តោប្រវេសន៍។
រដ្ឋមន្ត្រីក្រសួងមហាផ្ទៃបារាំង លោក ហ្សេរ៉ាល់ ដាម៉ាណាំង (Gerald Darmanin) បានប្រាប់ថា ទូករបស់ពួកគេ បានលិចនៅទីក្រុងកំពង់ផែកាឡេស (Calais) ភាគខាងជើងប្រទេសបារាំង។ មានតែអ្នកនៅរស់រានមានជីវិតចំនួន ០២នាក់ប៉ុណ្ណោះដែលត្រូវបានគេរកឃើញ ហើយជីវិតរបស់ពួកគេទាំង២ ក៏កំពុងស្ថិតក្នុងស្ថានភាពគ្រោះថ្នាក់ផងដែរ។ រដ្ឋមន្ត្រីក្រសួងមហាផ្ទៃបានលើកឡើងថា ក្នុងចំណោមអ្នកស្លា.ប់ទាំង ២៧នាក់ មានកុមារ ១នាក់ និងស្ត្រីចំនួន ៥នាក់ ត្រូវបានបញ្ជាក់ថា ស្លា.ប់ ចំណែកឯអ្នករងរបួសដែលព្រួយបារម្ភជាងគេគឺមាន ស្ត្រីមានផ្ទៃពោះម្នាក់ រងរបូសនិងស្ថិតក្នុងការជួយសង្គ្រោះ។ សោក.នាដកម្មនេះបានបណ្ដាលឲ្យមានចំនួនអ្នកស្លា.ប់ខ្ពស់បំផុតចាប់តាំងពីឆ្នាំ ២០១៨ នៅពេលដែលជនចំណាកស្រុកបានចាប់ផ្ដើមប្រើប្រាស់ទូកធំៗ ធ្វើដំណើរតាមផ្លូវទឹក។ ការចាប់ផ្ដើមឆ្លងកាត់តាមផ្លូវទឹកបានកើនឡើងរវាងទីក្រុងឡុងដ៍ និងទីក្រុងប៉ារីស ជុំវិញបញ្ហាចរាចរណ៍តាមផ្លូវទឹក និងច្បាប់នេសាទជាដើម។
ចាប់តាំងពីដើមឆ្នាំ ២០២១ ប្រជាជនបារាំងយ៉ាងហោចណាស់ ៣១,៥០០នាក់ បានព្យាយាមចាកចេញពីប្រទេសបារាំង ទៅកាន់ចក្រភពអង់គ្លេស ហើយមនុស្ស ៧,៨០០នាក់ ត្រូវបានជួយសង្គ្រោះនៅឯសមុទ្រ ក្រោយការធ្វើដំណើរតាមផ្លូវរបស់ពួកគេជួបគ្រោះថ្នាក់ ហើយតួលេខបានកើនឡើងទ្វេដង គិតចាប់តាំងពីខែសីហាមក៕
ប្រភព៖ CNA