កាលពីយប់មិញនេះ អាចនិយាយបានថាជារាត្រីដ៏អស្ចារ្យមួយសម្រាប់កម្មវិធី Miss Grand International ព្រោះជារាត្រីដែលបេក្ខនារីមកពីបណ្ដាប្រទេសជួបជុំគ្នាឡើងឆាកបង្ហាញម៉ូដឈុតតំណាងជាតិ ដែលឆ្លុះបញ្ចាំងពីវប្បធម៌របស់ជាតិសាសន៍នីមួយៗ យ៉ាងណាមិញកាលពីយប់មិញនេះបវរកញ្ញាហុងកុង ដែលជាបេក្ខនារីតែងតែនាំមកនូវភាពសប្បាយរីករាយនិងភាពកំប្លុកកំប្លែងសម្រាប់វេទិកាប្រកួត បានបង្កើតបរិយាកាសប្លែកថ្មីមួយទៀត រហូតទទួលបានការសរសើរយ៉ាងច្រើនពីសំណាក់ហ្វេនៗជាច្រើន។
នៅក្នុងការប្រកួតបង្ហាញឈុតតំណាងជាតិកាលពីរាត្រីទី៣០ ខែវិច្ឆិកា ឆ្នាំ២០២១ ម្សិលមិញនេះ នៅលើវេទិកាប្រកួតសម្រស់ Miss Grand International កញ្ញា Sen Yang បានបង្ហាញខ្លួនក្នុងឈុតតំណាងជាតិ Dim Sum អាហារដែលជានិមិត្តរូបមានឈ្មោះល្បីល្បាញមួយរបស់ ហុងកុង។ សម្រាប់ការបង្ហាញឈុតអាហារម្ដងនេះគឺពិតជាមិនធម្មតានោះទេ ព្រោះបើមិនប្លែកគឺមិនមែនជាបវរកញ្ញាហុងកុងឆ្នាំនេះនោះទេព្រោះកញ្ញា Sen Yang មិនត្រឹមតែបង្ហាញឈុតនោះទេ កញ្ញាថែមទាំងញ៉ាំ Dim Sum បង្ហាញក្នុងពេលដើរបង្ហាញម៉ូដនោះយ៉ាងឆ្ងាញ់ពិសារថែមទៀត អាចនិយាយបានថាសកម្មភាពរបស់កញ្ញាទាញបានចំណាប់អារម្មណ៍យ៉ាងច្រើន។
សម្រាប់កញ្ញា Sen Yang គឺជាបេក្ខនារីតំណាងឱ្យហុងកុង បច្ចុប្បន្នកញ្ញាមានអាយុ ២៨ ឆ្នាំ មានកម្ពស់ ១.៧១ សង់ទីម៉ែត្រ គឺជាអ្នកបង្ហាញម៉ូដនិងជានិស្សិតបញ្ចប់ការសិក្សាពីសកលវិទ្យាល័យល្បីមួយនៅសហរដ្ឋអាមេរិក៕