អាកាសធាតុត្រជាក់ត្រូវបានព្យាករណ៍សម្រាប់ភូមិភាគ៣ មានដូចជាភាគខាងជើង ឥសាន្ដ ភាគកណ្ដាល និងភាគខាងកើតនៃប្រទេសថៃ ជាមួយអាកាសធាតុនិងធ្លាក់ចុះពី ៣-៥អង្សា ចំណែកឯនៅ តំបន់ភ្នំ ឬនៅ កំពូលភ្នំនៅភាគខាងជើង និង ភាគឥសាន្ដ អាចនឹងមានសីតុណ្ហភាពទាបនៅ ពេលព្រឹក ចាប់ពី ៣អង្សា ទៅ ១២អង្សា រហូតដល់ថ្ងៃអាទិត្យសប្ដាហ៍នេះ។
នាយកដ្ឋានឧតុនិយមប្រទេសថៃបាននិយាយនៅ ថ្ងៃព្រហស្បតិ៍ ទី ០២ ខែ ធ្នូ នេះថា ប្រព័ន្ធសម្ពាធខ្យល់ខ្លាំងមួយទៀត មកពីប្រទេសចិននិងគ្រប់ដណ្ដប់ប្រទេសថៃចាប់ពីថ្ងៃទី ៣ រហូតដល់ថ្ងៃទី ៥ ខែធ្នូ ឆ្នាំ ២០២១នេះ ហើយអាកាសធាតុនិងចុះត្រជាក់ខ្លាំង រួមទាំងមានខ្យល់ខ្លាំងផងដែរ។
ក្រោយការជូនដំណឹង នាយកដ្ឋានឧតុនិយមបានណែនាំប្រជាជនថៃនៅ ភាគខាងជើងឲ្យថែរក្សាសុខភាពរបស់ពួកគេ ព្រោះអាចរងផលប៉ះពាល់ដោយការប្រែប្រួលអាកាសធាតុ ៕
ប្រភព៖ Bangkok Post