ពិតជាមិនធ្វើឱ្យហ្វេនខកចិត្តនេះទេ ខណៈនៅ ថ្ងៃទី ១៥ ខែធ្នូ ឆ្នាំ២០២១នេះ តារាសម្រៀងស្រី វ៉ាន់ នីឡា បានបញ្ចេញ Full MV បទចម្រៀង «Last Christmas» ដែលជាវីដេអូ Cover ដំបូងរបស់កញ្ញា នាឱកាសអបអរទេសកាលបុណ្យ Christmas ដែលជិតមកដល់ហើយ គឺនៅ ថ្ងៃទី ២៥ ខែធ្នូ។
នៅ ក្នុង MV មួយនេះ ហ្វេនអ្នកគាំទ្រចាប់អារម្មណ៍ឃើញ មានការរៀបចំតុងតែងឆាកដូចនៅ ក្នុងទិដ្ឋភាពបុណ្យ Christmas នាមជ្ឈឹមប្រទេសអ៊ីចឹង ដែលមានទាំងកាដូ គ្រាប់ព្រិលព័ណស និងជាពិសេសនោះគឺ ដើម Christmas តែម្ដង។ ក្រៅ ពីសំនៀងពីរោះធ្វើឱ្យហ្វេនរីករាយជាមួយបទនេះហើយ មួយទៀតគេចាប់អារម្មណ៍ប្លង់ថត និងការសម្ដែង ពោលគឺសម្រិតសម្រាំងស្នាដៃមួយបែប ឱ្យមើលទៅ ស្លុងអារម្មណ៍ចូលទៅ ក្នុង MV តែម្ដង។ រីឯការតែងខ្លួនរបស់កញ្ញា វ៉ាន់ នីឡា វិញ គឺនៅ តែឃ្យូដគួរឱ្យស្រឡាញ់ដដែរ។
សូមជម្រាប រហូតមកដល់ពេលនេះ តារាចម្រៀង វ៉ាន់ នីឡា នៅ តែតារាចម្រៀងក្នុងដួងចិត្តយុវវ័យដដែរ និងបន់ឱ្យតែតារាស្រីនេះវិលទៅចាប់ដៃគូជាមួយតារាប្រុសធ្លាប់ជាដៃគូចាស់ ដូចជាលោក ម៉ុង ម៉ានិត លោក ដួង វិរៈសិទ្ធ ជាដើម ដើម្បីរំលឹកអតីតកាលមានអនុស្សាវរីយ៍បទល្បីៗជាមួយគ្នា។ ហ្វេននៅ តែរំពឹងថា កញ្ញា វ៉ាន់ នីឡា នឹងមានកម្លាំងចិត្តវិលមកជ្រកក្នុងទ្រនំផលិតកម្មណាមួយនៅ ថ្ងៃមុខជាក់ជាមិនខាន។
កុំឱ្យខាតពេលយូរ ទស្សនាវីដេអូ Full MV បទ៖ «Last Christmas» Cover ដោយកញ្ញា វ៉ាន់ នីឡា៖