ថ្មីៗនេះ អ្នកលេងបណ្ដាញសង្គមជាច្រើននាក់មានការភ្ញាក់ផ្អើល នៅ ពេលដែលឃើញបុរសជនជាតិចិនម្នាក់មានមុខមាត់ និង រាងកាយដូចជាមហាសេដ្ឋីយានអវកាស ស្ពេស អ៊ិច (SpaceX) អ៊ីលុន ម៉ាស (Elon Musk) ដូចសឹងតែ ៩៩.៩% ទៅ ហើយ។
បុរសម្នាក់នេះត្រូវបានគេថតបង្ហោះក្នុងបណ្ដាញសង្គម Tiktok គេឃើញបុរសម្នាក់នេះឈរក្បែររថយន្ដពណ៌ខ្មៅ សម្លឹង និង ញញឹមមកកាមេរ៉ា ដែលមើលដូចនឹងលោក Elon Musk ខ្លាំងណាស់ សូម្បីដែលស្នាមញញឹម។ វីដេអូបុរសម្នាក់នេះ មានអ្នកចុចចូលមើលរាប់ម៉ឺននាក់ អ្វីដែលសំខាន់មានគេចូលទៅខមិនក្នុងវីដេអូ ហើយដាក់ឈ្មោះឲ្យបុរសជនជាតិចិនម្នាក់នោះថា យី ឡុង ម៉ាស (Yi long musk) និង អ្នកខ្លះទៀតបានហៅ ថា អាស៊ាន អ៊ីលុន ម៉ាស (Asian Elon Musk) ថែមទៀតផង។
ទោះជាយ៉ាងណា អ្នកលេងបណ្ដាញសង្គមមួយចំនួនលើកឡើងដោយមានការសង្ស័យថា វីដេអូនេះទំនងជាវីដេអូក្លែងក្លាយ ឬ វីដេអូកាត់ត តែប៉ុណ្ណោះ៕
ប្រភព៖ Times now news
