នៅ ក្នុងវិស័យហ្វេសសិនសកលលោក ថ្មីៗនេះក្រុមហ៊ុនឌីហ្សាញ Pantone ទើបតែបញ្ចេញពណ៌ប្រចាំឆ្នាំ Pantone 2022 ដែលគឺជាព័ណស្វាយ ឬបែកស្វាយ។ នៅ ក្នុងនោះ អ្នកឌីហ្សាញម៉ូដសម្លៀកបំពាក់ ក៏កំពុងតែត្រៀមខ្លួនជាស្រេចក្នុងការរំលេចស្នាដៃ រចនាម៉ូដសម្លៀកបំពាក់តែមានព័ណស្វាយ ឱ្យមើលទៅ ប្លែកភ្នែក ទាន់សម័យ និងហាយសូ។ មិនតែប៉ុណ្ណោះ ក្រៅ ពីអ្នកឌីហ្សាញហើយ គេក៏ឃើញមានតារាល្បីៗច្រើនរូបទៀត នាំគ្នាសម្ញែងឈុតព័ណស្វាយ បង្អួតសម្រស់នៅ បណ្ដាញសង្គមផងដែរ។ តើអ្វីទៅ ជា Pantone ?ហើយមានសារៈសំខាន់បែបណា ?
Pantone គឺជាក្រុមហ៊ុនឌីហ្សាញសកលលោកដ៏ធំមួយនៅ សហរដ្ឋអាមរិក ហើយនៅ ក្នុងឆ្នាំ២០២២នាពេលខាងមុខនេះ ក្រុមហ៊ុននេះបានប្រកាសយកពណ៌ស្វាយ ឬពណ៌បែកស្វាយ ជាពណ៌ប្រចាំឆ្នាំ។ ការប្រកាសពណ៌ប្រចាំឆ្នាំ គឺជាកត្តាជំរុញគំនិតមួយដល់ក្រុមអ្នកឌីហ្សាញ ឱ្យកាន់តែមានភាពងាយស្រួល និងកំណត់នូវការប្រើប្រាស់ពណ៌ឱ្យកាន់តែស៊ីវិល័យ។ ចំពោះពណ៌ស្វាយ ត្រូវបានគេឱ្យអត្ថន័យថា ជាពណ៌តំណាងភាពសប្បាយរីករាយ ភាពទាក់ទាញទាក់ភ្នែក វប្បធម៌ ស្មារតីរឹងមាំ និងហ៊ឺហាបែបលំដាប់អភិជនពេញនិយម។ ពណ៌នេះត្រូវបានគេដឹងថា ជាព័ណបង្គុំរវាង ព័ណក្រហម និងព័ណខៀវ ។
ថ្ងៃនេះសារព័ត៌មានត្រយងផ្នែកសិល្បៈកម្សាន្ដ ក៏បានលើកយកតារាសិល្បៈខ្មែរច្រើនដួងមានសម្រស់ស្អាតមិនធម្មតា ជាមួយឈុតពណ៌ស្វាយយ៉ាងស្រស់សោភា រហូតធ្វើឱ្យអ្នកគាំទ្រតាមសម្លឹងមិនដាក់ភ្នែក។ តើមានតារាណាខ្លះ? តោះ! តាមដានខាងក្រោមនេះ ៖
ឱក សុគន្ធកញ្ញា
គង់ ចាន់ស្រីមុំ
ផេនខេក
ហ៊ិន ចាន់និរ័ត្ន
សុភ័ក្ត្រ កុសុម៉ា
ជីមមី
