មហាជនបានស្គាល់មកហើយថា តារាស្រី ផាត់ ផាន់ណា ជាតារាសម្ដែងដែលបានប្រឡូកភាពយន្ដ និងរឿងភាគទូរទស្សន៍ជាច្រើនរឿងមែនទែន តែយ៉ាងណាមិញ តារាស្រីរូបនេះក៏ធ្លាប់ជាអតីតតារាបង្ហាញម៉ូដក្រុម Sun Super Model ។ មកទល់ឆ្នាំ២០២១នេះ អ្នកនាង ផាត់ ផាន់ណា ហាក់ដូចរយាលដៃពីសិល្បៈបន្ដិច ក៏ព្រោះតែមានភារៈកិច្ចផ្ទាល់ត្រូវបំពេញ។
ថ្មីៗសារព័ត៌មានត្រយងផ្នែកកម្សាន្ដ បានទទួលដំណឹងមកថា អ្នកនាង ផាត់ ផាន់ណា បានទទួលពានរង្វាន់មាសពីកម្មវិធី Asia Model Festival Organizing Committee ដែលធ្វើឡើងប្រទេសកូរ៉េ នៅថ្ងៃទី១៩ ខែធ្នូ នេះ ជាពានរង្វាន់ Model Star Award 2021។ បើតាមការបង្ហោះរបស់ហ្វេសប៊ុកផេក Face of Cambodia បានបង្ហោះថា «Congratulations to Ms. Phan Phatna to received 2021 Model Star Award Represented Cambodia from Asia Model Festival Organizing Committee! »។
អ្នកនាង ផាត់ ផាន់ណា ជាតារាសម្ដែងស្រីដែលថែរក្សារាងបានតូចច្រលឹងមិនប្រែប្រួល អ្នកនាងមានកូនប្រុសម្នាក់ ដែលបានសម្រាលកាលពីអំឡុងខែតុលា ឆ្នាំ២០១៩ ហើយដំណឹងមានកូននេះទើបតែត្រូវបានហ្វេនអ្នកគាំទ្រគេដឹងគ្រប់គ្នានៅឆ្នាំ២០២០ បន្ទាប់ពីអ្នកនាងធ្វើពិធីខួបកំណើតជូនកូនប្រុសគម្រប់អាយុ១ខួប ដោយមិនបានបង្ហាញវត្តមានឪពុករបស់ក្មេងឡើយ។ មកទល់ពេលនេះ កូនប្រុសមានអាយុ២ខួបហើយ តែអ្នកម្ដាយនៅតែអាចរក្សាសម្រស់ស្អាតក្មេងជាងវ័យដដែរ៕
ទស្សនាវីដេអូខាងក្រោមនេះ៖