រយៈពេលក២៤ឆ្នាំក្រោយ Leonardo DiCaprio បានប្រើប្រាស់ជំនាញជួយ Rose ដែលខ្លួនបានសម្ដែងជាតួអង្គ Jack ក្នុងរឿង Titanic ទៅជួយសង្គ្រោះជីវិតឆ្កែនៅក្នុងជីវិតពិត។
ខណៈដែល Leonardo កំពុងថតរឿង Don’t look up នៅ Boston តារាសម្ដែងរូបនេះបានជ្រមុជទឹកចូលទៅក្នុងបឹងទឹកកកដើម្បីសង្គ្រោះជីវិតឆ្កែ Huskies របស់លោកចំនួនពីរក្បាល។
តារាសម្ដែងរូបនេះនិងដៃគូសម្ដែង (Jennifer Lawrence) ក្នុងរឿង Don’t look up បានរំលឹកពីហេតុការណ៍រន្ធត់ដែលបានកើតឡើងនោះប្រាប់ទៅកម្មវិធីព័ត៌មានកម្សាន្ត Entertainment Weekly។ Leonardo ដែលជាអ្នកមានដើមកំណើតនៅរដ្ឋកាលីហ្វ័រនីញ៉ាបានឱ្យដឹងថាលោកពិតជាមិនដឹងសោះថាតើលោកត្រូវធ្វើបែបណាខ្លះនៅក្នុងបឹងទឹកកកនោះ ប៉ុន្តែកាលពី២៤ឆ្នាំលោកធ្លាប់បានសិក្សាខ្លះៗដែរ កាលលោកសម្ដែងជាតួអង្គ Jack ដែលជាប់គាំងក្នុងសមុទ្រទឹកកក ក្នុងរឿង «Titanic»។
ដៃគូសម្ដែងរបស់ Leonardo អ្នកនាង Jennifer Lawrence បានពន្យល់និងរំលឹកពីហេតុការណ៍នេះថា «កាលណោះមានឆ្កែមួយបានធ្លាក់ចូលក្នុងបឹងទឹកកក បន្ទាប់មក Leonardo បានហក់ចូលទៅក្នុងបឹងនោះដើម្បីជួយសង្គ្រោះវា ប៉ុន្តែនៅពេលដែលលោកបោះឆ្កែមួយចេញពីក្នុងបឹង ស្រាប់តែឆ្កែមួយក្បាលទៀតបានហក់ចូលទៅក្នុងបឹងនោះដែរ។»
ពន្យល់បន្ថែមចំពោះអ្វីដែល Jennifer និយាយ Leonardo បាននិយាយបន្ថែមថា «ឆ្កែមួយទៀតបានហែលមកលិឌឆ្កែដែលកំពុងតែលិច ទីបំផុតពួកយើងទាំងអស់គ្នានៅជាប់កកក្នុងបឹងទឹកកកទាំងអស់គ្នា»
ខណៈដែល Jennifer បាននិយាយបែបលេងសើចបន្ថែមទៀតថា «ខ្ញុំជឿថាអ្នកទាំងអស់គ្នាច្បាស់ជាឆ្ងល់ ខ្ញុំក៏ដូចគ្នា ព្រោះអីភ្លាមៗនោះគាត់បាននៅស្រាតសំលៀកបំពាក់ចោលអស់នៅក្នុងឡាន»។ ទង្វើរបស់ Leonardo បានធ្វើឱ្យលោកអាចបន្ថែមបទពិសោធន៍ជាអ្នកសង្គ្រោះជីវិតក្នុងទឹកកកចូលក្នុង CV របស់លោក។
រឿង Titanic ដែល Leonardo សម្ដែងបានបញ្ចាំងកាលពីឆ្នាំ១៩៧៧ កាលណោះលោកសម្ដែងដោយចាប់ដៃគូជាមួយតួឯកស្រីល្បីឈ្មោះ Kate Winslet៕
