តារាសម្ដែងវ័យក្មេង Joseph Baena បានឆ្លើយប្រាប់អ្នកសារព័ត៌មានពីមូលហេតុដែលលោកប្រឡូកចូលក្នុងវិថីសិល្បៈដោយមិនប្រើប្រាស់នាមត្រកូលរបស់ឪពុកលោក Arnold Schwarzenegger នៅក្នុងបទសម្ភាន៍មួយរវាងលោកនិង E!NEWs។
«ការពិតរឿងនោះមានហេតុផលច្រើនខុសគ្នា ប៉ុន្តែនេះមិនមានជាអ្វីដែលខ្ញុំផ្ដោតជាសំខាន់នោះទេនៅពេលនេះ ព្រោះខ្ញុំចង់កសាងកេរ្តិ៍ឈ្មោះខ្លួនឯង និងកសាងអាជីពសម្ដែង ក៏ដូចជារឿងការរកស៊ីផ្នែកអចលនទ្រព្យនិងផ្ដោតជាសំខាន់លើរឿងទាំងអស់នោះក្នុងពេលឥឡូវនេះ»។
បុរសវ័យក្មេងរូបនេះបានបន្ថែមទៀតថា «ឪពុករបស់លោកនៅតែជាមនុស្សម្នាក់ដែលមានឥទ្ធិពលខ្លាំងក្នុងជីវិតនិងអាជីពរបស់លោក»
«ប៉ារបស់ខ្ញុំគឺជាសេះដ៏មានកម្លាំង។ គាត់ជាបុរសលើបុរស ខ្ញុំចូលចិត្តគិតនិងមើលតាមគាត់ជានិច្ច ដូច្នេះអាចនិយាយបានថាគាត់មានឥទ្ធិពលច្រើន មិនថាវិថីដែលខ្ញុំដើរនៅលើសិល្បៈក្ដី ការលេងកីឡាក្ដី ឬសូម្បីតែរូបរាងកាយរបស់ខ្ញុំ ហើយនៅមានរឿងជាច្រើនទៀតដែលខ្ញុំបានធ្វើ»។
Joseph បានឱ្យដឹងថាភាពយន្តថ្មីរឿង «Lava» ដែលលោកសម្ដែងគឺជារឿងដែលនិយាយពីភាពរីករាយតែបង្កប់ទៅដោយរឿងហេតុរំជើបរំជួល។ រឿងនេះនិយាយពីស្រី២មួយក្រុមបានជួបនឹងបុរសមួយក្រុមដែលជាបើកបរឱ្យពួកនាងដើរលេងដោយសេរី ហើយពួកគេបានចេញទៅដើរកម្សាន្តជាមួយគ្នា ក្នុងដំណើរកម្សាន្តនោះពួកគេមានរឿងជាមួយនឹងមនុស្សក្នុងតំបន់ រហូតធ្វើឱ្យភាពរីករាយក្លាយទៅរឿងប៉ះសក់និងគួរឱ្យភ័យខ្លាចទៅវិញ។ កូនប្រុសតារាហូលីវូដល្បីរូបនេះក៏និយាយដែរថាលោកពិតរំភើបនិងចង់មើលរឿងនោះណាស់តើពេលចាក់បញ្ចាំងនឹងទៅជាបែបណា?
Joseph ក៏បានចែករំលែកឱ្យដឹងពីតួអង្គដែលលោកចង់សម្ដែងដែរ គឺលោកចង់លេងរឿង cowboy ព្រោះលោកចង់ពាក់មួក ស្បែកជើងប៊ូត ពិសេសលោកចេះជិះសេះ៕