សំបុត្រសម្ងាត់មួយរបស់បេក្ខភាពនាយករដ្ឋមន្ត្រីបម្រុងគឺឯកឧត្តមហ៊ុន ម៉ាណែត ដែលបាន លាក់ទុកជិត២៨ឆ្នាំមកហើយនោះត្រូវបានទម្លាយឲ្យដឹងនៅថ្ងៃទី២៣ខែធ្នូឆ្នាំ២០២១នេះ។
សម្តេចតេជោ ហ៊ុន សែន បានបង្ហោះលិខិតនោះនិងបានសរសេរថា សំបុត្រសម្ងាត់ ឆ្នាំ១៩៩៤ កូនប្រុសខ្ញុំ ហ៊ុន ម៉ាណែត ដែលពេលនោះកំពុងសិក្សា នៅសកលវិទ្យាល័យ មួយនាទីក្រុង ញូវយ៉ក សហរដ្ឋអាមេរិក បានសរសេរលិខិតសម្ងាត់មួយច្បាប់មកខ្ញុំ ដើម្បីបាន រៀនខាង យោធា និងវិទ្យាសាស្រ្តនយោបាយជាមួយនិងការប្តេជ្ញារបស់គេ គឺរៀនយក បណ្ឌិតខាង សេដ្ឋកិច្ចឲ្យបាន។
បើតាមសម្តេចតេជោ អានលិខិតនេះ និងយល់ពី ម៉ាណែត កាន់តែច្បាស់ហើយ អ្វីដែលមិនមានក្នុងលិខិតនេះ គឺម៉ាណែត បានចូលទៅធ្វើកម្មសិក្សានៅធនាគារពិភពលោក ដែលត្រូវបានបញ្ជូនទៅ ធ្វើការងារនៅប្រទេសកុងហ្គោ បន្ទាប់ពីជាប់បរិញ្ញាបត្រ័ជាន់ខ្ពស់ នៅ សកលវិទ្យាល័យ ញូវយ៉ក។
ម៉ាណែត ធ្លាប់ បានទៅរស់នៅជាមួយគ្រួសារបារាំងមួយ នៅប្រទេសបារាំង ដោយ ស៊ីឈ្នួលបេះផ្លែប៉ោមឲ្យគ្រួសារនេះ ដើម្បីរៀនភាសាបារាំង។ នៅពេលរៀនថ្នាក់បណ្ឌិតនៅប្រទេសអង់គ្លេស ម៉ាណែត បានចូលបង្រៀនគណិតវិទ្យា សម្រាប់និស្សិតឆ្នាំទី២ និងទី៣ ដើម្បីបានប្រាក់ខ្លះសម្រាប់ចំណាយកាត់បន្ថយការចំណាយ របស់ឪពុកម្តាយ៕
