ក្រោយស្ងប់ស្ងាត់មួយរយៈធំ នៅថ្ងៃទី២៣ ខែធ្នូ ឆ្នាំ២០២១នេះ លោកស្រី ទ្រី ដាណា បានចេញមកទម្លាយមូលហេតុនិងមុខស្រ្តីម្នាក់ដែលលោកស្រីអះអាងថាជាប្អូនស្រីបង្កើតរបស់អតីតស្វាមី ជាមេចាក់រុក (មេនាំភ្លើង) នាំឱ្យលោកស្រីនិងស្វាមីទាស់ទែងគ្នា រហូតឈានដល់លែងលះ។
ប្រិយមិត្តសាធារណជនបានដឹងហើយថា លោកស្រី ទ្រី ដាណា និងអតីតស្វាមី លោក ហ៊ីង បញ្ញារិទ្ធិ បានបែកបាក់គ្នា ដោយលោកស្រីដាក់ពាក្យលែងលះគ្នាទៅតុលាការ ទោះជាអតីតស្វាមីបានចេញមកយំអង្វករសុំត្រូវរ៉ូវគ្នា និងចង់ទៅមើលថែលោកស្រីនិងកូនតូចជាច្រើនលើកច្រើនសារ តាមរយៈការ Live ជាវីដេអូ ក៏លោកស្រីនៅតែបដិសេធមិនជានាគ្នាវិញដែរ។
រឿងរ៉ាវនៃទំនាស់គ្រួសាររបស់ថៅកែគ្រឿងពេជ្រ និងផលិតផលអនឡាញដ៏ល្បីល្បាញនេះ គឺមានការចាប់អារម្មណ៍ច្រើនពីសំណាក់អ្នកគាំទ្ររបស់លោកស្រី ដោយម្នាក់ៗបានដឹងត្រឹមថាបញ្ហាទំនាស់ផ្ទៃក្នុងគ្រួសារនេះកើតឡើងដោយសារតែភាគីគ្រួសារលោក ហ៊ីង បញ្ញារិទ្ធិ ហៅពូម៉ៅ ប៉ុន្តែចំពោះរឿងរ៉ាវលម្អិតបែបណា ហើយបុគ្គលរូបណាជាអ្នកនៅពីក្រោយឬមេនាំភ្លើងបណ្ដាលឱ្យជីវិតគ្រួសាររបស់អ្នកទាំងពីរត្រូវប្រេះស្រាំនោះឡើយ។
យ៉ាងណាមិញនៅមុននេះបន្តិចលោកស្រី ទ្រី ដាណា បានចេញមកបង្ហោះសំណេរមួយដែលមានខ្លឹមសារនិយាយពីបញ្ហាក្នុងគ្រួសាររបស់លោកស្រី និងអតីតស្វាមី ដោយអត្ថន័យក្នុងសំណេរនោះបានបកអាក្រាតស្ត្រីម្នាក់ដែលមានឈ្មោះហៅថា ហ៊ីង វឌ្ឍនា ត្រូវជាប្អូនស្រីបង្កើតរបស់ពូម៉ៅ គឺជាមេនាំភ្លើងចាក់រុកញុះញង់រហូតធ្វើឱ្យស្វាមីលោកស្រីប្រើហិង្សានិងរករៀងលោកស្រី ហើយបើទោះជាលោកស្រីព្យាយាមនៅស្ងៀមមិនប៉ះពាល់ដល់អតីតគ្រួសារក៏នៅតែមិនឱ្យលោកស្រីបានសុខដដែល។
«បងប្អូនចង់ឃើញមុខទេម្នាក់និងហើយដែលជាមូលហេតុធ្វើឲ្យក្រុមគ្រួសារខ្ញុំបែកបាក់គ្នា ម្នាក់នេះហើយដែលជាប្អូនស្រីរបស់ពូកម៉ៅហើយព្យាយាមចាក់រុកគ្រប់បែបយ៉ាងរហូតធ្វើអោយអតិតប្តីខ្ញុំវៃខ្ញុំ និងរករឿងខ្ញុំរហូតមក ក្រុមគ្រួសារខ្ញុំមិនឲ្យមានសេចក្តីសុខរហូតឈានដល់ការលែងលះគ្នានេះហើយបងប្អូនមើលទៅចរិកពិតរបស់នាងនិងគឺដោយសាបាត់បង់ប្រយោជ៍ពីខ្ញុំទើប ចាក់រុកពូម៉ៅ តាំងតែពីបែកគ្នាមកខ្ញុំមិនដែលបេះពាល់អីដល់គ្រួសារនិងទេតែពួកគេមិនអោយខ្ញុំសុខទេ ទើបខ្ញុំចាប់ផ្តើមសើរើ ហើយខ្ញុំនៅមានភស្តតាងជាច្រើនទៀតក្នុងដៃ សំរាប់បង្ហាញមុខពួកនិងហើយផ្តាំទៅប្រពន្ធក្រោយផង យកចិត្តនាងនិងតិច បើមិន ចឹងនាងនិងប្រចេះអោយលែងហើយ។»
តាមដានអានខ្លឹមសារលោកស្រី ទ្រី ដាណា បង្ហោះសំណេរលើបណ្ដាញសង្គមខាងក្រោមនេះ៖