កាលពីថ្ងៃទី២៧ ខែធ្នូ ឆ្នាំ២០២១ មានរឿងភ្ញាក់ផ្អើល គេឃើញតារាសម្ដែងក្នុងភាពយន្ដខ្នាតធំ «ឆមាសចុងក្រោយ» លោក Bondcher Buth បានបង្ហោះសារនៅលើហ្វេសប៊ុករបស់លោក ដោយប្រកាសរកមុខលោក ឃុន ធារិទ្ធ ឬមានឈ្មោះក្នុងសិល្បៈហៅថា រិទ្ធ អូមេហ្កា ជាអ្នកដឹកនាំសម្ដែង MV និង Short Film ចូលខ្លួនមកដោះស្រាយរឿងជំពាក់បំណុលជាបន្ទាន់។
តារាសម្ដែង Bondcher Buth បានបញ្ជាក់ថា លោក រិទ្ធ អូមេហ្គា បានព្យាយាមគេចវេស ហើយបង្វែរសាច់រឿងច្រើនដង និងមិនព្រមចូលខ្លួនមកដោះស្រាយរឿងបំណុលដែលជំពាក់លោកនោះឡើយ។
លោក Bondcher Buth 
រិទ្ធ អូមេហ្កា
លោក Bondcher Buth បានរៀបរាប់ជាសារនៅលើហ្វេសប៊ុកថា «ខ្ញុំបាទជាម្ចាស់លុយ ដែលបុគ្គលឈ្មោះ Thea Rith ដែលជាម្ចាស់ហាង Ella House សាខាកោះពេជ្រ បានជំពាក់លុយរបស់ខ្ញុំជាច្រើនខែ មកហើយ និងមួយរយៈចុងក្រោយនេះគាត់បានបាត់ដំណឹង មិនព្រមចូលមកដោះស្រាយជាមួយខ្ញុំជាម្ចាស់លុយ ដោយផ្ទាល់នោះទេ។ ខ្ញុំបាទបានព្យាយាមទាក់ទងនិងស្វែងរកគ្រួសារគាត់រួចមកហើយ តែក៏មិនទទួលបានការដោះស្រាយណាមួយដែលល្អ ដែលគ្រួសារគាត់មកសម្រួលជំនួយបំណុល ដែលបុគ្គល ធារិទ្ធ នេះបានជំពាក់ មកកាន់ភាគីខាងខ្ញុំឱ្យបានសមស្រប ដោយវិធានការណាមួយឡើយ បែរជាឱ្យខ្ញុំជាម្ចាស់បំណុលទៅសុំទោសខាងគាត់ទៅវិញ ពេលដែលបានមកជួបដោះស្រាយនៅពេលកន្លងមក។ ចាប់ពីពេលនេះ បើបងប្អូនខាងគាត់ចង់សម្រួល ខ្ញុំអត់ស្តាប់ហេតុផលដែលមិនសមស្រប ឬការប្រឌិតរឿង ឬបង្វែររឿងណាមួយ ដែលមិនទាក់ទងនិងការដោះស្រាយបំណុលដែល Thea Rith បានជំពាក់ខាងខ្ញុំឡើយ អ្វី ដែលខ្ញុំមិនអាចទទួលយកបាននោះទេក្នុងនាមខ្ញុំជាម្ចាស់លុយ បើសិនជាមិន សម្រួលរឿងលុយដែលជំពាក់ ក្នុងការលើករឿងរ៉ាវមកបង្វែរ ខុសពីសាច់រឿង រវាងខ្ញុំនិង Thea Rith បើបងប្អូនណាដែលបានជួបម្នាក់ឈ្មោះ Thea Rith ខាងលើ សូមបងប្អូន ជួយផ្តល់ពត៌មានមកកាន់ខាងខ្ញុំបាទផង។ សូមបងប្អូន ប្រុងប្រយ័ត្នជាមួយបុគ្គលម្នាក់នេះ ក្នុងការដែលទាក់ទងនិងការ ខ្ចីប្រាក់នាៗ កុំអោយដូចខ្ញុំ អោយគេលុយហើយ បែរជារត់បាត់»។
ជុំវិញបញ្ហានេះ តារាសម្ដែង Bondcher Buth បានបកស្រាយប្រាប់អ្នកសារព័ត៌មានត្រយងថា លោក ធារិទ្ធ បានជំពាក់លុយលោកខ្ទង់ពាន់ដុល្លារ ជាច្រើនខែណាស់មកហើយ ដោយកាលដំបូងៗឡើយ លោកបានសងការប្រាក់មួយចំនួនដែរ ក៏ប៉ុន្តែក្រោយៗក៏ស្ងាត់ ហើយចេះតែស្ងាត់ទៅៗ មិនព្រមអើពើរឿងលុយកាក់ទាល់តែសោះ។ លុះដល់អស់ការអត់ធ្មត់ និងព្យាយាមទំនាក់ទំនងរកដំណោះស្រាយរឿងសងបំណុលនេះហើយ តារាសម្ដែងរូបនេះ ក៏បានសម្រេចចិត្តបង្ហោះសារប្រកាសជាសាធារណៈឱ្យមហាជនបានដឹង ក្នុងគោលបំណងបង្ការ និងប្រាប់អ្នកដល់អ្នកដទៃផ្សេងទៀតកុំឱ្យបុគ្គលខាងលើនេះ ខ្ចីលុយឱ្យសោះ។ តារាសម្ដែងរូបនេះបានបន្ដទៀតថា លោក រិទ្ធ អូមេហ្កា មិនត្រឹមតែមិនព្រមដោះស្រាយរឿងបំណុលនោះទេ តែថែមទាំងប្រើសម្ដីគំរាមប្ដឹងបកមករូបលោកជាម្ចាស់បំណុលវិញថែមទៀត។ លោកថា មានម្ចាស់បំណុលជាច្រើនទៀត ដែលលោក ធារិទ្ធ បានគំរាមប្ដឹងបក និងបង្វែររឿងមិនព្រមសងបំណុល។ លោកបញ្ជាក់ថា លោកក៏មិនមានការព្រួយបារម្ភនោះទេ លោករីករាយនឹងដំណើរការរឿងនេះតាមនិតិវិធី។
យ៉ាងណាមិញ ដំណឹងនេះគ្រាន់តែជាការបង្ហោះសារ និងបកស្រាយពីភាគីតារាសម្ដែងលោក Bondcher Buth ដែលអះអាងថាខ្លួនជាម្ចាស់បំណុលប៉ុណ្ណោះ ហេតុនេះសារព័ត៌មានត្រយងកំពុងព្យាយាមសុំការបកស្រាយបំភ្លឺបន្ថែមទៀតជុំវិញរឿងនេះពីភាគីលោក រិទ្ធ អូមេហ្កា វិញផងដែរ៕
លោក Bondcher Buth 
រិទ្ធ អូមេហ្កា
ទស្សនាវីដេអូ Big News៖
