បាត់ដំបង៖ នគរបាលស្រុកថ្មគោលឃាត់ខ្លួនជនសង្ស័យម្នាក់ក្នុងករណីរួមមេត្រីជាមួយអនីតិជនអាយុក្រោម១៥ឆ្នាំ ម្នាក់ក្នុងស្រុកថ្មគោល។
ផ្អែកតាមស្នងការដ្ឋាននគបាលខេត្តបាត់ដំបង បានឲ្យដឹងថា សមត្ថកិច្ចបានឃាត់ខ្លួនជនសង្ស័យ ឈ្មោះ ធ.ធ ភេទប្រុសអាយុ២២ឆ្នាំ ឃាត់ ខ្លួនកាលពីថ្ងៃទី២៦ ខែធ្នូ ឆ្នាំ២០២១ វេលាម៉ោង១៣ និង ១០នាទី នៅចំណុចឃុំតាម៉ឺន ស្រុកថ្មគោល ខេត្តបាត់ដំបង។ ចំណែក ជនរងគ្រោះជាអនីតិជនឈ្មោះ ខ.រ. ភេទស្រី អាយុ១០ឆ្នាំ។
ក្រោយទទួលបាននូវពាក្យបណ្តឹងពីគ្រួសារជនរងគ្រោះ លោកវរសេនីយ៍ទោ សេង លុច អធិការនគរបាលស្រុកថ្មគោល បានដឹកនាំកម្លាំងផ្នែកជំនាញចុះឃាត់ខ្លួនជនសង្ស័យខាងលើមកកាន់អធិការដ្ឋាននគរបាលស្រុក ដើម្បីធ្វើការសាកសួរស្រាវជ្រាវ៕
បច្ចុប្បន្ន ជនសង័្សយត្រូវបានសមត្ថកិច្ចឃាត់ខ្លួនដើម្បីកសាងសំណុំរឿងចាត់ការតាមនីតិវិធី ៕